TED2009
Laging tinatanong ang guro ng sipnayan (matematika), "Magagamit ko ba ang calculus sa buhay ko?" At kadalasan, sabi ni Arthur Benjamin, ang sagot ay hindi. Kanyang ipinanukala ang mungkahi na gawing kapaki-pakinabang sa digital age ang itinuturo sa matematika.
TED2008
Tumugtog ng live si Kaki King, ang kauna-unahang babae sa listahan ng mga "guitar god" ng Rolling Stones, sa TED2008 kasama ang buong banda, pati na ang kanyang unang single, ang "Playing with Pink Noise." Ang pinagsamang makalaglag-pangang pagkadalubhasa at ang kanyang pamamaraan sa gitara ay tunay na nangingibabaw.
TED2009
Sa maikling talumpating ito mula TED U, isinalaysay ni Joachim de Posada ang isang mahalagang eksperimento tungkol sa pagpapaliban ng gantimpala -- at kung paano nito nasusukat ang tagumpay sa hinaharap. Hatid niya ang isang bidyo ng mga bata na buong pagtitimpi na hindi makain ang marshmallow.
TED2009
Noong TED2009, inilahad ni Al Gore ang kanyang mga nakalap na datos tungkol sa lumalalang kalagayan ng klima, higit pa sa inaasahan ng mga siyentipiko, at iginiit ang pagtutol sa "clean coal".
TED2009
Naging usap-usapan sa TED ang demonstrasyong ito -- proyektong nanggaling sa laboratory ni Pattie Maes sa MIT at pinangangasiwaan ni Pranav Mistry. Isa itong kagamitang isinusuot na may sariling prodyektor, at nagbibigay ng mas malalim na pakikipag-ugnayan sa kapaligiran. Gaya ng pelikulang "Minority Report" at higit pa.
TED2009
Kasapi ng Teresa Carreño Youth Orchestra ang mga pinakamagagaling na batang musikero mula hayskul na nagmula sa pambansang programa ng Venezuela, ang El Sistema. Sa pangunguna ni Gustavo Dudamel, tinugtog nila ang Symphony No. 10, 2nd movement ni Shostakovich at ang Danzón No. 2 ni Arturo Márquez.
TED2009
Ibinabahagi ni Elizabeth Gilbert ang kanyang mga pagninilay ukol sa kalimita'y impossibleng ekspektasyon natin sa mga manlilikha at henyo ng sining. Ito ay isang nakakatuwa, personal at nakakaantig na talumpati.
TED2006
Ibinabahagi ni Ursus Wehrli ang kanyang larawang-diwa para sa mas malinis, mas mabuo, at mas maayos na sining -- sa pamamagitan ng pagbaklas ng mga larawan ng mga modernong tanyag na pintor sa mga sangkap na piraso, para ibukod nang ayon sa kulay at hugis.
TED2008
Sinasalaysay ni Rives -- na sumikat sa espesyal na pagtatanghal ng Bravo, ang "Ironic Iconic America" -- ang isang malapantasyang kwento hango sa mga titik at simbolo, na maikli at may kirot sa puso
TED2008
Matapos ang talumpati ni Robert Lang tungkol sa origami noong TED2008, umakyat si Bruno Bowden sa entablado, hawak ang isang hamon -- gagawin niya ang isa sa mga pinakamahirap na origami ni Lang, na nakapiring, sa loob ng 2 minuto. Kasama niya si Rufus Cappadocia, isang tselista.
TED2007
Ipapakita ni David Gallo ang nakamamanghang bidyo ng mga nilalang sa dagat, tulad ng pusit lumot na nag-iiba ng kulay, isang pugita na magaling mag-camouflage, at mga isda sa pinakamadilim na bahagi ng karagatan na kasing-tingkad ng neon lights sa Time Square.
TED2005
Bakit nagtatagumpay ang isang tao? Dahil ba matalino siya? O dahil ba sa swerte? Parehong hindi. Inipon ni Richard St. John ang tatlong taong pakikipanayam sa loob ng tatlong minuto upang talakayin ang mga tunay na lihim ng tagumpay.
TED2006
Ginawang nakaaaliw at makabuluhan ni Ken Robinson ang pagtalakay sa kadahilanan kung bakit dapat bumuo ng sistema ng edukasyon na lumilinang (kaysa sumisira) ng pagkamalikhain.
