Mehdi Ordikhani-Seyedlar: အာရုံစိုက်တဲ့အခါ သင့်ဦးနှောက်အတွင်းမှာ ဘာတွေဖြစ်တတ်လဲ။

TED2017

Mehdi Ordikhani-Seyedlar: အာရုံစိုက်တဲ့အခါ သင့်ဦးနှောက်အတွင်းမှာ ဘာတွေဖြစ်တတ်လဲ။

April 24, 2017


အာရုံစိုက်တာဟာ ကျွန်ုပ်တို့ စူးစိုက်တဲ့ အကြောင်းတင်မဟုတ်ပဲ ဒါဟာ ကျွန်ုပ်တို့ရဲ့ ဦးနှောက်တွေက စစ်ထုတ်နေတာလည်းဖြစ်ပါတယ်။ လူတွေ စူးစိုက်ဖို့ ကြိုးစားစဉ် ဦးနှောက်အတွင်းက အဆင်တွေကို သုသေသနလုပ်ရင်းကနေ ကွန်ပြူတာဆိုင်ရာ ဦးနှောက်နှင့် အာရုံကြောပညာရှင် Mehdi Ordikhani-Seyedlar ကနေပြီး ဦးနှောက်နဲ့ ကွန်ပြူတာကို ပိုနီးကပ်စွာ အတူတူထားကာ ADHD (အာရုံစိုက်မှု လျော့နည်းတဲ့ရောဂါ) ကို ကုသဖို့ အသုံးပြုနိုင်တဲ့ ပုံစံများကို တည်ဆောက်ရင်း ဆက်သွယ် စကာ​ပြောဆိုနိုင်စွမ်းကို ပျောက်ဆုံးသွားတဲ့ ဒီလူတွေကို ကူညီဖို့ မျှော်လင့်ပါတယ်၊ ဒီတိုတောင်းပြီး စိတ်ဝင်စားစရာကောင်းတဲ့ ဟောပြောချက်ထဲက စိတ်လှုပ်ရှားစရာ သိပ္ပံအကြောင်းကို ပိုမိုနားဆင်လိုက်ပါဦး။

Rhiannon Giddens: သမိုင်းကို အသက်ဝင်စေတဲ့ သီချင်းသုံးပုဒ်။

TED2016

Rhiannon Giddens: သမိုင်းကို အသက်ဝင်စေတဲ့ သီချင်းသုံးပုဒ်။

February 15, 2016


Rhiannon Giddens ဟာ သူမရဲ့ ဂီတထဲကို အမေရိကန်သမိုင်းရဲ့ စိတ်လှုပ်ရှားစေတဲ့ ဩဇာသက်ရောက်မှုကို သွန်းလောင်းပေးနိုင်သူပါ။ ရိုးရာ ကျေးလက် ဇာတ်လမ်းကဗျာ နှစ်ပုဒ်ဖြစ်တဲ့ Waterboy" နဲ့ "Up Above My Head" နှင့်အတူ ပြည်တွင်းစစ်ကာလ ကျွန်ဇာတ်လမ်းတွေကနေ စေ့ဆော်မှုရခဲ့တဲ့ သူမရဲ့ ကိုယ်ပိုင်သီချင်း "Come Love Come" ကို သူမဖျော်ဖြေစဉ်အခိုက်မှာ နားဆင်လိုက်ပါဦး။

Sofi Tukker: အာဝူး "Awoo"

TEDNYC

Sofi Tukker: အာဝူး "Awoo"

March 8, 2017


အီလက်ထရို ပေါ့ပ် နှစ်ဦးတွဲဖျော်ဖြေမှုမှာ Sofi Tukker ကနေပြီး TED ပရိတ်သတ်နဲ့အတူ Betta Lemme ပါဝင်တဲ့ သူတို့ရဲ့ အမြန်တေးသွား စည်းချက်ကျတဲ့ သီချင်း"Awoo" ကို ကပြတင်ဆက်ထားပါတယ်။

Garry Kasparov: အသိဉာဏ်ပါတဲ့ စက်တွေကို မကြောက်ကြပါနဲ့၊ သူတို့နဲ့အတူ အလုပ်လုပ်ကိုင်ကြပါ

TED2017

Garry Kasparov: အသိဉာဏ်ပါတဲ့ စက်တွေကို မကြောက်ကြပါနဲ့၊ သူတို့နဲ့အတူ အလုပ်လုပ်ကိုင်ကြပါ

April 24, 2017


ကျွန်တော်တို့ဟာ နည်းပညာထံမှ အများဆုံးကို ရယူချင်ရင် --ကိုယ့် ကြောက်စိတ်တွေကို ရင်ဆိုင်ဖို့ လိုတယ်လို့ Garry Kasparov က ဆိုပါတယ်။ သမိုင်းထဲမှာ အကြီးမားဆုံး စစ်တုရင် ကစားသူ Kasparov ဟာ ဟိုလေးတကျော် ဖြစ်သွားခဲ့တဲ့ IBM စူပါကွန်ပျူတာ Deep Blue နဲ့ ၁၉၉၇ ခုနှစ်မှာ ကစားစဉ် ရှုံးသွားခဲ့တယ်။ အခုတော့ သူဟာ အသိဉာဏ်ပါတဲ့ စက်တွေက ကျွန်တော်တို့ရဲ့ အကြီးမားဆုံး စိတ်ကူးတွေကို လက်တွေ့ ရုပ်လုံးဖေါ်နိိုင်အောင် ကျွန်တော်တို့အား ကူညီပေးနိုင်ပုံကို မျှဝေထားပါတယ်။

Sitawa Wafula: ဝက်ရူးပြန်ရောဂါနဲ့ ရှင်သန်ခြင်းအကြောင်းကို ဘာလို့ ဖွင့်ဟပြောတာလဲ။

TEDNairobi Ideas Search

Sitawa Wafula: ဝက်ရူးပြန်ရောဂါနဲ့ ရှင်သန်ခြင်းအကြောင်းကို ဘာလို့ ဖွင့်ဟပြောတာလဲ။

February 8, 2017


တစ်ခါက ဝက်ရူးပြန်ရောဂါကြောင့် အိမ်တွင်းအောင်းနေရတဲ့ စိတ်ဆိုင်ရာ ကျန်းမာရေး ရှေ့နေ Sitawa Wafula ဟာ ဒီအကြောင်းကို ရေးသားဖို့ အားအင်ကိုတွေ့ရှိခဲ့ပါတယ်။ အခု သူမဟာ အရှက်ရခြင်းနဲ့ ချန်လှပ်ခံရခြင်းကို ကျော်ဖြတ်ပြီး ဒီအခြေအနေနဲ့ ရှင်သန်နေထိုင်ရတာ ဘယ်လိုမျိုးလဲ ဆိုတာကို ပြောပြဖို့ အသံတွေကို ရှာနေကြတဲ့ အခြားသူတွေအတွက် ထောက်ခံ ပြောပြထားပါတယ်။

Wendy Troxel: ဆယ်ကျော်သက်တွေအတွက်ကျောင်းစချိန်ဘာကြောင့်နောက်ဆုတ်သင့်သလဲ

TEDxManhattanBeach

Wendy Troxel: ဆယ်ကျော်သက်တွေအတွက်ကျောင်းစချိန်ဘာကြောင့်နောက်ဆုတ်သင့်သလဲ

November 5, 2016


ဆယ်ကျော်သက်များသည် အိပ်စက်ချိန် လုံလုံလောက်လောက် မရကြပါ။ ဤသို့ဖြစ်ရခြင်းမှာ Snapchat ကြောင့်သော်လည်းကောင်း၊ အပေါင်းအသင်း အပျော်အပါး ကြောင့်သော်လည်းကောင်း၊ ဟော်မုန်းများ ကြောင့်သော်လည်းကောင်း မဟုတ်ပဲ အများပြည်သူဆိုင်ရာမူဝါဒ ကြောင့်ဟု Wendy Troxel ကဆိုပါသည်။ အိပ်စက်ခြင်းဆိုင်ရာ သုသေတီ တစ်ဦး အနေဖြင့်လည်းကောင်း၊ လူနာများနှင့်တွေ့ဆုံလေ့ရှိသူ တစ်ဦး အနေဖြင့်လည်းကောင်း၊ ဆယ်ကျော်သက်တစ်ဦး၏ မိခင်တစ်ဦး အနေဖြင့်လည်းကောင်း သူမ၏အတွေ့အကြုံများမှ Troxel က ဆယ်ကျော်သက်များ၏ မနက်စောစော ကျောင်းစချိန်သည် ကလေးများကို သူတို့ဘဝ၏ အလိုအပ်ဆုံးအချိန်တွင် လုံလောက်သော အိပ်စက်ခြင်း မရရှိစေနိုင်ကြောင်း ဆွေးနွေးတင်ပြထားပါသည်။

Serena Willans and Gayle King: တင်းနစ်၊ ချစ်ခြင်းမေတ္တာနဲ့ မိခင်ဘဝ အကြောင်း

TED2017

Serena Willans and Gayle King: တင်းနစ်၊ ချစ်ခြင်းမေတ္တာနဲ့ မိခင်ဘဝ အကြောင်း

April 24, 2017


နှစ်ဆယ့်သုံးခုသော Grand Slam တံခွန်စိုက်တွေပြီးတဲ့ အခါမှာတော့ တင်းနစ် ဆူပါစတား Serena Williams ဟာ သူမရဲ့ ဘဝ၊ ချစ်ခြင်းမေတ္တာ ၊ အနိုင်တွေနဲ့ အရှုံးတွေအကြောင်း နွေးထွေးပြီး ကျီစယ်တဲ့သဘောပါတဲ့ ဆွေးနွေးချက်ကို မျှဝေဖို့ သတင်းစာသမား Gayle King နဲ့ ထိုင်လိုက်ပါတယ်။ သူမရဲ့ ကိုယ်ဝန်ရှိနေပြီဆိုတဲ့ သတင်းကို ကမ္ဘာကြီးနဲ့ အမှတ်မထင်ပဲ မျှဝေမိတယ်ဆိုတဲ့ အဖြစ်နဲ့ စလိုက်ခြင်းပါ။

ဘာ​ကြောင့် လူတိုင်းပါဝင်တဲ့   အနာဂတ်ကိုသာ တည်ဆောက်ထိုက်ပုံ။

TED2017

ဘာ​ကြောင့် လူတိုင်းပါဝင်တဲ့ အနာဂတ်ကိုသာ တည်ဆောက်ထိုက်ပုံ။

April 25, 2017


"တည်ရှိဖို့ မျှော်လင့်ချက်အတွက် လူပုဂ္ဂိုလ် တစ်ဦးတည်းဟာ လုံလောက်ပြီး ထိုပိုဂ္ဂိုလ်ဟာ သင်ဖြစ်နိုင်ပါတယ်" လို့ ပုပ်ရဟန်းမင်းကြီး Francis က 
Vatican City ကနေ ပို့သတဲ့ ဒီလောင်မြိုက်နေတဲ့ TED Talk မှာ ဆိုထားပါတယ်။ ဘာသာအယူဝါဒ အားလုံးထဲက လူတွေထံ၊ အာဏာရှိသူတွေရော၊ အာဏာမဲ့တွေရောဆီအတွက် ဒီမျှော်လင့်ချက်ရှိတဲ့ သတင်းစကားမှာ ဘာသာရေး ခေါင်းဆောင်ကနေပြီး ညီမျှမှု၊ စည်းလုံးညီညွတ်မှုနဲ့ သိမ်မွေ့မှု ပျံ့နှံ့ဖြစ်တည်ဖို့ဖို့ လောလောဆယ် ကျွန်ုပ်တို့ ရှာဖွေ၊ တောင်းဆိုကြသလို ကမ္ဘာပေါ်မှာ ထွန်းလင်းပြသပေးတဲ့ တိုက်ရိုက်ထုတ်လွှင့်ချက်ကို ထောက်ပံ့ပေးထားပါတယ်။ "အချင်းချင်း ကူညီကြပါစို့၊ အားလုံး အတူစုပြီး 'အခြား'ဆိုတာဟာ စာရင်း(သို့) ကိန်းတစ်ခုမဟုတ်တာကို သတိရကြဖို့နဲ့ ကျွနိုပ်တို့ အားလုံးဟာ တစ်ဦးကိုတစ်ဦး လိုအပ်ကြပါတယ်"လို့ ဆိုထားပါတယ်။

မိုက်ကယ်(လ်) ဘိုင်းရု: ကလေးေတွစာဖတ်ေစချင်လာေအာင် စာြကည့်တိုက်ကို ဘယ်လို ဒီဇိုင်းဆဲွမလဲ

TEDNYC

မိုက်ကယ်(လ်) ဘိုင်းရု: ကလေးေတွစာဖတ်ေစချင်လာေအာင် စာြကည့်တိုက်ကို ဘယ်လို ဒီဇိုင်းဆဲွမလဲ

March 8, 2017


အစိုးရကေျာင်းေတွအတွက် တံဆိပ်ဆွဲဖို့ေခါ်ရာကနေ, သူက တစ်နှစ်ကြာတယ့် စီမံကိန်းတစ်ခုကိုစတင်ခဲ့တယ်ဆိုတာ မယုံနို်င်စရာြဖစ်ေနတယ်. မကြာခဏ ဟာသနှောတဲ့ ေဟာေြပာမှုမှာ, သူ့ရဲ့ဆန္ဒပြင်းြပင်းြပပြ နဲ့ အင်းအားေတွ, သင်ယူမှုေတွ, အနုပညာနဲ့ ဒီဇိုင်းေတွ ကို, စာြကည့်တိုက်မှူးေတွက မျုိးဆက်သစ်ေတွ စာဖတ်သူြဖစ်လာြပီးေတာ့ ေတွးေတာတတ်သူြဖစ်လာေအာင် နှုိးေဆာ်ေပးမယ့်, အံ့သြစရာေကာင်းတဲ့ေနရာတစ်ခုကို ယူေဆာင်လာပုံကို ြပန်လည်ေြပာြပခဲ့တယ်.

Curtis 'Wall Street' Carroll: ရှယ်ယာတွေကို ဈေးကစားမှုကို ကျွန်တော် ထောင်ထဲတွင် သင်ယူခဲ့ပုံ

TEDxSanQuentin

Curtis 'Wall Street' Carroll: ရှယ်ယာတွေကို ဈေးကစားမှုကို ကျွန်တော် ထောင်ထဲတွင် သင်ယူခဲ့ပုံ

January 22, 2016


ဘဏ္ဍာရေးကိစ္စထဲမှာ အသုံးလုံး ကျေသူဖြစ်ရေးဟာ ကျွမ်းကျင်မှု မဟုတ်ဘဲ နေထိုင်မှု ဘဝပုံစံ တစ်မျိုးပါ။ အဲဒါကို Curtis "Wall Street" Carroll ထံမှ သင်ယူပါ။ ထောင်ထဲ နေထိုင်ခဲ့ရသူ Caroll ဟာ ဒေါ်လာရဲ့ တန်ဖိုးကို ကောင်းကောင်းကြီး သိနားလည်သူပါ။ ထောင်ကျနေခဲ့စဉ် သူဟာ သူ့ဘာသာသူ ရေးဖတ်တတ်လာအောင် နှင့် ရှယ်ယာတွေ ရောင်းဝယ်ရေး အတတ်ပညာကို သင်ယူနိုင်ခဲ့ပြီး အခုတော့ သူဟာ ရိုးရှင်းပေမယ့် ထက်မြက်တဲ့ သဝဏ်လွှာကို၊ ကျွန်ုပ်တို့ အားလုံးဟာ ကျွန်ုပ်တို့ရဲ့ ငွေတွေနဲ့ ပတ်သက်လာရင် ပိုပြီး ဦးနှောက်သုံးရန် လိုအပ်တာကို တင်ပြထားပါတယ်။

Carina Morillo: အထီးကျန် စိတ်ဝေဒနာကို နားလည်ဖို့ မျက်နှာမလွှဲပါနဲ့။

TEDxRiodelaPlata

Carina Morillo: အထီးကျန် စိတ်ဝေဒနာကို နားလည်ဖို့ မျက်နှာမလွှဲပါနဲ့။

October 22, 2016


Carina Morillo ဟာ သူမရဲ့သား Ivan ရောဂါစပေါ်တော့ အထီးကျန် စိတ်ဝေဒနာအကြောင်းကို ဘာမှ မသိသလောက်ပါ။ သူ စကားမပြောဘူး ဒါမှမဟုတ် စကားလုံးတွေကို မတုံ့ပြန်ဘူးဆိုတာ လောက်ဖြစ်ပြီး သူနဲ့ ဆက်သွယ်ဖို့အတွက် အခြားနည်းလမ်းတွေ ရှာခဲ့ရပါတယ်။ သူနဲ့အတူလိုက်ပြီး သိချင်စိတ်ဖြစ်ခြင်းကနေ သူမရဲ့သားကို ဖွံ့ဖြိုးရှင်သန်စေဖို့ အထောက်အကူပေးဖို့ ဘယ်လို သူမလေ့လာ သင်ယူခဲ့တယ်ဆိုတာကို မျှဝေထားပါတယ်။

Stephanie Busari: သတင်းတုများက တကယ့် အန္တရာယ်ပြုပုံ

TEDLagos Ideas Search

Stephanie Busari: သတင်းတုများက တကယ့် အန္တရာယ်ပြုပုံ

February 11, 2017


၂၀၁၄ ဧပြီလ ၁၄ ရက်မှာ အကြမ်းဖက် အဖွဲ့အစည်း Boko Haram ဟာ နိက်ဂျီးရီးယားနိုင်ငံ Chibok မြို့က ကျောင်းသူ ၂၀၀ ကျော်ကို ပြန်ပေးဆွဲခဲ့တယ်။ ကမ္ဘာတစ်ဝှမ်းမှာ ဒီမှုခင်းဟာ #BringBackOurGirls ဆိုတဲ့ ဆောင်ပုဒ်နဲ့ စံနမူနာဖြစ်လာခဲ့တယ်။ ဒါပေမဲ့ နိုက်ဂျီးရီးယားမှာတော့ အစိုးရ အာဏာပိုင်တွေက မိန်းကလေးတွေကို ကယ်တင်ဖို့ အားထုတ် ဆောင်ရွက်မှုတွေလုပ်ဖို့ ဇဝေဇဝါဖြစ်ရင်း နှောင့်နှေးရင်း ဒီအမှုကို လိမ်ညာမှုလို့ ခေါ်ခဲ့ကြတယ်။ ဒီအားကောင်းလှတဲ့ ဟောပြောချက်မှာ သတင်းစာသမား Stephanie Busari ကနေပြီး သတင်းတုတွေရဲ့ ဘေးအန္တရာယ်နဲ့ ဒါကိုတားဆီးဖို့ ကျွန်ုပ်တို့ လုပ်နိုင်တာကို ရှင်းပြဖို့ Chibok ဝမ်းနည်းဖွယ်ရာ အဖြစ်ဆိုးကို ထောက်ပြလိုက်ပါတယ်။

Zubaida Bai: ဖွံ့ဖြိုးဆဲ ကမ္ဘာမှာရှိတဲ့ မိခင်များအတွက် ရိုးရှင်းတဲ့ သားဖွား ကိရိယာတစ်စုံ။

TED Residency

Zubaida Bai: ဖွံ့ဖြိုးဆဲ ကမ္ဘာမှာရှိတဲ့ မိခင်များအတွက် ရိုးရှင်းတဲ့ သားဖွား ကိရိယာတစ်စုံ။

December 13, 2016


TED ဝိုင်းတော်သား Zubaida Bai ဟာ အမျိုးသမီး ကျန်မာရေး စောင့်ရှောက်မှုဆီကို ဂုဏ်သိက္ခာရှိမှုနဲ့ အကုန်အကျသက်သာစေတဲ့ ကြားဝင်မှုတွေ ဆောင်ကြဉ်းပေးဖို့ ဆေးဖက်ဆိုင်ရာ ကျွမ်းကျင်သူတွေ၊ ဝမ်းဆွဲလက်သည်တွေ၊ မိခင်တွေနဲ့ တွဲဖက်လုပ်ကိုင်ပါတယ်။ ဒီတိုတောင်ပြီး စေ့ဆော်ပေးတဲ့ ဟောပြောချက်မှာ သူမကနေပြီး ပိုက်ဆံအိတ်တစ်အိတ်ထဲ ထည့်လို့ရတဲ့ သူမရဲ့ သန့်ရှင်းတဲ့ သားဖွား ကိရိယာတစ်စုံကို တင်ပြထားပါတယ်။ ကမ္ဘာကြီးရဲ့ ဘယ်နေရာကဖြစ်ဖြစ်၊ ဆေးခန်းနဲ့ ဘယ်လောက်ဝေးဝေးမှာ သူမ ရှိနေပါစေပါ အဲဒီထဲမှာ လိုအပ်တဲ့ သန့်ရှင်းစင်ကြယ်တဲ့ မွေးဖွားမှုနဲ့ ကျန်းမာတဲ့ မီဖွားမှုတစ်ခုအတွက် မိခင်လောင်းသစ် လိုအပ်တဲ့ အရာရာတိုင်းပါဝင်ပါတယ်။ ။

Todd Scott: နှလုံးခုန်နှိုးစက် အသုံးပြုခြင်းအတွက် စကြာဝဠာအချင်းချင်း  လမ်းညွှန်

TEDNYC

Todd Scott: နှလုံးခုန်နှိုးစက် အသုံးပြုခြင်းအတွက် စကြာဝဠာအချင်းချင်း လမ်းညွှန်

January 26, 2017


အကယ်၍များ Yoda ဟာ နှုလုံးခုန်ရပ်တန့်သွားတယ်ဆိုရင် ဘာလုပ်ရမယ်ဆိုတာ သင်သိလား။ ပန်းချီပညာရှင်နဲ့ ရှေးဦးသူနာပြု ဝါသနာအိုး Todd Scott ဟာ သင်သိဖို့လို့တဲ့ စက်သုံး ပြင်ပနှလုံးခုန်နှိုးစက် (သို့) AED နဲ့ ပတ်သက်တဲ့ အရာတိုင်းကို ဒီကြယ်စုထဲမှာ ခွဲတမ်းချလိုက်ပါတယ်၊ အဝေး အဝေးမှာရှိတဲ့ ကြယ်စုတွေပေါ့။ Jedi ရဲ့ အသက်ကို ကယ်တင်ဖို့ ပြင်ဆင်လိုက်ပါ။ (သူက အရင်ဆုံး အမြန်လေး ရိတ်ပစ်ဖို့တော့ လိုပါလိမ့်မယ်) ဒါမှမဟုတ် အထောက်အကူပြုတဲ့ ပုံနှိပ်စက်တစ်ချို့ လိုနေတဲ့ အခြားတစ်ယောက်ယောက်ကိုပေါ့။

Casey Brown: မိမိတန်ဖိုးကို သိထားပြီး အဲဒါ့အတွက်ထိုက်တန်စွာ တောင်းဆိုပါ။

TEDxColumbusWomen

Casey Brown: မိမိတန်ဖိုးကို သိထားပြီး အဲဒါ့အတွက်ထိုက်တန်စွာ တောင်းဆိုပါ။

May 28, 2015


သင့်အကြီးအကဲက သင့်အား ပေးနေတာဟာ သင့်နဲ့ထိုက်တန်ပုံ မရပါဘူး၊ ဒီအစား သူတို့ ထင်မှတ်တဲ့ တန်ဖိုးကို ပေးနေကြတာပါ။ သူတို့ရဲ့ တွေးခေါ်မှု ဘယ်လိုပုံသွင်းနိုင်မယ် ဆိုတာကို အချိန်ယူလေ့လာပါ။ တန်ဖိုးဖြတ်မှု အကြံပေး Casey Brown ကနေပြီး သင့်ရဲ့တန်ဖိုးကို ပိုကောင်းမွန်စွာ အသိပေးဖို့ ကူညီပေးနိုင်ပြီး သင့်ရဲ့ထူးချွန်မှုအတွက် ပေးဆပ်လာအောင် ထောက်ကူ ပေးနိုင်ကြတဲ့ ဖြစ်ရပ်တွေနဲ့ သင်ကြားလေ့လာစရာတွေကို မျှဝေထားပါတယ်။

Katie Hinde: မိခင်နို့အကြောင်း ကျွန်ုပ်တို့ မသိတာတွေ

TEDWomen 2016

Katie Hinde: မိခင်နို့အကြောင်း ကျွန်ုပ်တို့ မသိတာတွေ

October 26, 2016


မိခင်ရဲ့ နို့ဟာ ကလေးတွေရဲ့ ခန္ဓာကိုယ်ကို ကြီးထွားလာစေတယ်၊ အာရုံကြော ဖွံ့ဖြိုးမှုကို ဖြည့်တင်းပေးတယ်၊ အရေးပါတဲ့ ကိုယ်ခံအားကို အားဖြည့်ပေးပြီး အစာရေစာ ရှားပါးမှု နှင့် ရောဂါဘယများမှ ကာကွယ်ပေးတယ် ဆိုတော့၊ ဘာ​ေကြာင့် သိပ္ပံပညာဟာ ခရမ်းချဉ်သီးတွေ အကြောင်းကို မိခင်နို့ထက် ပိုပြီး သိရှိနေရတာလဲ။ Katie Hinde က အသက်ကို မွေထုတ်ပေးတဲ့ နက်နဲရှုပ်ထွေးလှတဲ့ အဲဒီ အရာ အကြောင်းကို အတွင်းကျ ဖေါ်ထုတ် တင်ပြထားပြီး မိခင်နို့ကို ကျွန်ုပ်တို့ အနေနဲ့ ပိုပြီး ကောင်းမွန်စွာ နားလည်လာနိုင်ရန် သိပ္ပံပညာဘက်မှ ဖြည့်ပေးရန် လိုအပ်နေသေးတဲ့ ဟာကွက်တွေ အကြောင်းကို ဆွေးနွေးထားပါတယ်။

Ashton Cofer: လူငယ် တီထွင်သူလေးရဲ့ ဖော့ဖြူ (Styrofoam )ကို ပြန်လည်အသုံးပြုဖို့ အစီအစဉ်။

TED-Ed Weekend

Ashton Cofer: လူငယ် တီထွင်သူလေးရဲ့ ဖော့ဖြူ (Styrofoam )ကို ပြန်လည်အသုံးပြုဖို့ အစီအစဉ်။

December 3, 2016


မြေပဲထုပ်ပိုးတာနေ တစ်ခါသုံး ကော်ဖီခွက်တွေအထိ အမေရိကန်ပြည်ထောင်စု တစ်ခုတည်းမှာတင် တစ်နှစ်ကို Styrofoam (ပလပ်စတစ်ဖော့ဖြူ)နှစ်ဘီလီယံထွက်ရှိပါတယ်၊ တစ်ခုမှကို ပြန်သုံးလို့မရနိုင်တာတွေပါ။ ဒီအရင်းအမြစ်ဖြုန်းတီးမှုနဲ့ မြေဖို့ရတဲ့နေရာကြောင့် စိတ်ပျက်ပြီး သူ့ရဲ့ သိပ္ပံပြပွဲ အသင်းဖော်တွေက အသုံးပြုပြီးသား Styrofoam (ပလပ်စတစ်ဖော့ဖြူ)တွေကို အသုံးဝင်တဲ့ တစ်ခုခုအဖြစ် ဓာတ်ပြိုကွဲအောင်လုပ်ဖို့ အပူပေးခြင်း နည်းစနစ်တစ်ခုကို တီထွင်ခဲ့ပါတယ်။ FIRST LEGO League Global Innovation Award နဲ့ Google Science Fair ကနေ Scientific American Innovator Award ဆုရထားတဲ့ သူတို့ရဲ့ မူရင်းဒီဇိုင်းကို စစ်ဆေးကြည့်လိုက်ပါ။

Michele L. Sullivan: အကူအညီတောင်းခြင်းဟာ ခွန်အားပါ၊ အားနည်းမှု မဟုတ်ပါ

TEDWomen 2016

Michele L. Sullivan: အကူအညီတောင်းခြင်းဟာ ခွန်အားပါ၊ အားနည်းမှု မဟုတ်ပါ

October 26, 2016


ကျွန်မတို့ အားလုံးဟာ စိန်ခေါ်မှုတွေကို ရင်ဆိုင်မှုတွေကို ရင်ဆိုင်ကြရတယ်၊ တချို့ကို မြင်နိုင်သလို မမြင်နိုင်တာလည်း ရှိတယ်လို့ Michele L. Sullivan က ဆိုထားပါတယ်။ ဘဝရှုထောင့်ဆိုင်ရာ ဒီဆွေးနွေးခန်းမှာ၊ Sullivan ဟာ ကျွန်ုပ်တို့ အားလုံးဟာ အပြန်အလှန် ကူညီပံ့ပိုးနေကြရတဲ့ စနစ်များရဲ့ အစိတ်အပိုင်းမျှသာ ဖြစ်ကြတာကို ထောက်ပြနေတဲ့ ဟာသဆိုင်ရာ အမြော်အမြင်ကြီးမားမှုဆိုင်ရာတွေနဲ့ ပြည့်နေတဲ့ ဖြစ်ရပ်တွေ အကြောင်းကို ပြောပြထားပါတယ်။ "ကျွန်မတို့ လမ်းကောင်းကောင်း လျှောက်ချင်ရင် ကိုယ့်ဖိနပ်ကိုသာ စီးရန် လိုပါတယ်၊ စာနာစိတ်၊ အားပေးမှုနဲ့ နားလည်မှုသာ ရှိရင် ကျွန်မတို့ ဘေးချင်းယဉ်ပြီး လမ်းလျှောက်နိုင်ကြမှာပါ။"လို့ သူမက တင်ပြထားတာ နားဆင်ကြည့်ကြပါ။

John Koenig: မရှင်လင်းတဲ့ စိတ်ခံစားမှုများကို သရုပ်ဖော်ဖို့ လှပတဲ့ စကားလုံးသစ်များ။

TEDxBerkeley

John Koenig: မရှင်လင်းတဲ့ စိတ်ခံစားမှုများကို သရုပ်ဖော်ဖို့ လှပတဲ့ စကားလုံးသစ်များ။

February 6, 2016


John Koenig ဟာ ကျွန်ုပ်တို့ရဲ့ မရှင်းလင်းတဲ့ ခံစားချက်တွေကို ဖော်ပြတဲ့ စကားလုံးတွေကို ရှာဖွေရတာနှစ်သက်ပါတယ်၊ ဥမမာ "lachesism" ကပ်ဘေး ဆာလောင်မှု၊ "sonder"၊ အြခားသူတိုင်းရဲ့ ဘဝတွေဟာ ကျွန်ုပ်တို့ကိုယ်ပိုင်ဘဝတွေလိုပဲ ရှုပ်ထွေးလှပြီး မသိနိုင်တာကို နားလည်သိမြင်ခြင်းပါ။ ဒီမှာတော့ သူကနေ ကျွန်ုပ်တို့ သတ်မှတ်လိုက်တဲ့ စကားလုံး အနက်အဓိပ္ပါယ်နဲ့ ဒီအဓိပ္ပါယ်တွေက ကျွန်ုပ်တို့ကို ဘယ်ပုံစွဲသွားစေတယ်ဆိုတာကို တွေးခေါ်သုံးသပ်ထားပါတယ်။

Caitlin Doughty: ကမ္ဘာဂြိုဟ်ကို လုပ်ကျွေးပေးမယ့် သင်္ဂြိုဟ်ရေး နည်းလမ်း

TEDMED 2016

Caitlin Doughty: ကမ္ဘာဂြိုဟ်ကို လုပ်ကျွေးပေးမယ့် သင်္ဂြိုဟ်ရေး နည်းလမ်း

November 30, 2016


ကျွန်ုပ်တို့ အားလုံးက တစ်နေ့မဟုတ် တစ်နေ့တွင် ဖြေကြရမယ့် မေးခွန်း ရှိပါတယ် - ကိုယ် သေသွားတဲ့ အခါမှာ ကိုယ့်ခန္ဓာကိုယ်ကို ဘယ်လိုများ ဖြစ်သွားစေလိုပါသလဲ? အသုဘ ဌာန တစ်ခုမှ ဒါရိုက်တာဖြစ်သူ Caitlin Doughty င ကျွန်ုပ်တို့ အားလုံးတို့အား ရှောင်လွဲမရနိုင်တဲ့ သေဆုံးမှုအတွက် ပြင်ဆင်ရေး နည်းလမ်းသစ်တွေကို စူးစမ်း တင်ြပထားပါ တယ်။ စဉ်းစားစရာ ဒီဟောပြောချက်ထဲတွင် လူတွေရဲ့ ခန္ဓာကိုယ်ကို မြေကြီဆီသို့ ပိုပြီး ဂေဟာစနစ်နဲ့ အံဝင်ခွင်ကျ ဖြစ်ကာ နှိမ့်ချမှု သဘော နဲ့ အသိစိတ်ကို ဖေါ်ြပတဲ့ ("ပြန်လည်စုစည်းရေး" နဲ့ "ထိန်းသိမ်းပေးရေး မြှုပ်နှံမှု") လိုနည်းဖြင့် ကျွန်ုပ်တို့ရဲ့ ခန္ဓာကိုယ်များကို မြေကြီးဆီသို့ ထည့်ပေးသင့်တာကို ပြောပြထားပါတယ်။

Sara Ramirez: ရိုလာကိုစတာ (နိမ့်မြင့် ချားရဟတ်)

TED Talks Live

Sara Ramirez: ရိုလာကိုစတာ (နိမ့်မြင့် ချားရဟတ်)

November 1, 2015


အဆိုတော် သီချင်းရေးသူနဲ့ သရုပ်ဆောင် မင်းသမီး Sara Ramirez ဟာ ပင်ကိုယ်စွမ်းရည်များစွာရှိတဲ့ အမျိုးသမီးတစ်ဦးပါ။ ဂစ်တာတီးခတ်မှုမှာ Michael Pemberton နဲ့ ပူပေါင်းကာ Ramirez ကနေပြီး အခွင့်အလမ်း၊ ဉာဏ်ပညာနဲ့ ဘဝရဲ့ အနိမ့်၊ အမြင့်တွေအကြောင်း သူမရဲ့ သီချင်း (ချားရဟတ်) Rollercoaster ကို ဒီတိုက်ရိုက်ဖျော်ဖြေမှုမှာ သီဆိုထားပါတယ်။

Lux Narayan: နာရေးသတင်း ၂၀၀၀ မှ သင်ယူခဲ့သမျှ။

TEDNYC

Lux Narayan: နာရေးသတင်း ၂၀၀၀ မှ သင်ယူခဲ့သမျှ။

January 26, 2017


Lux Narayan ဟာ သူ့ရဲ့တစ်နေ့တာကို ကြက်ဉမွှေကြော်နဲ့ "ဒီနေ့ ဘယ်သူ ဆုံးသွားလဲ" ဆိုတဲ့မေးခွန်းနဲ့ အစပြုပါတယ်။ New York Times နာရေးသတင်း၂၀၀၀ကို လပေါင်း ၂၀ ခွဲခြမ်းစိစစ်ခြင်းနဲ့ Narayan ဟာ ဘဝတစ်သက်တာမှာ အောင်မြင်မှုဆိုတာ ဘာနဲ့ တူသလဲဆိုတာကို စကားလုံး အနည်းငယ်နဲ့ ကောက်သင်းကောက်ခဲ့တယ်။ ဟောဒီမှာ သူဟာ ရေးသားပြီး မျှဝေထားတဲ့ အစဉ်မမေ့အပ်တာတွေက ကျွန်ုပ်တို့ကို ကောင်းမွန်စွာ ရှင်သန်ခဲ့တဲ့ ဘဝတစ်ခုအကြောင်း သင်ကြားပေးနိုင်ပါတယ်။

Jeff Kirschner: ဒီအက်ပ်နဲ့ဆို အမှိုက်ကောက်ရတာ ပျော်စရာကြီးပါ

TED Residency

Jeff Kirschner: ဒီအက်ပ်နဲ့ဆို အမှိုက်ကောက်ရတာ ပျော်စရာကြီးပါ

December 13, 2016


ကျွန်ုပ်တို့ရဲ့ ကမ္ဘာကြီးကို သန့်ရှင်းအောင် ထားကြရပါမယ်။ Litterati ဆိုတဲ့ အမှိုက်ကို ဖေါ်ထုတ်ပေးရန်၊ ကောက်ယူရန် နဲ့ ဘူမိတံဆိပ် တပ်ပေးနိုင်တဲ့ အက်ပ်ကို အသုံးပြုပြီး TED ကိုယ်စားလှယ် Jeff Kirschner ဟာ ကမ္ဘာကြီးကို သန့်ရှင်းအောင် လုပ်ပေးနေတဲ့ လူအုပ်စုရင်းမြစ် ဖြစ်လာတဲ့ အရပ်ဖက်အဖွဲ့အစည်းကို တီထွင်ပေးလိုက်ပါတယ်။ နိုင်ငံ ၁၀၀ ကျော်တို့အထဲက အမှိုက်တွေကို ခြေရာခံပြီးတဲ့ နောက်မှာ Kirschner ဟာ နာမည်ကြီး ကုမ္ပဏီကြီးများနှင့် အဖွဲ့အစည်းများနဲ့ လက်တွဲပြီး အမှိုက်တွေ မြေကြီးပေါ် ကျမလာအောင် ရပ်တန့်ပစ်ဖို့ သူစုစည်းထားတဲ့ ဒေတာကို သုံးနိုင်မယ်လို့ မျှော်လင့်ပါတယ်။

Jonathan Rossiter: ညစ်ညမ်းမှုကို စားတဲ့ ရိုဘော့

TEDxWarwick

Jonathan Rossiter: ညစ်ညမ်းမှုကို စားတဲ့ ရိုဘော့

March 5, 2016


ညစ်ညမ်းတဲ့ ရေကို မျိုချပစ်ရင်း ညစ်ညမ်းမှုတွေကို ရှင်းလင်းပေးကာ ကိုယ်တိုင် အလုပ်လုပ်ရန် လိုအပ်တဲ့ လျှပ်စစ်ကို ထုတ်လုပ်ပေးနိုင်တဲ့ "Row-bot" နဲ့ မိတ်ဆက်ပေးပါရစေ။ ရိုဘော့ ပညာရှင် Jonathan Rossiter က ရေညှိတွေ “ပွင့်မှု’ နဲ့ ရေနံယိုဖိတ်မှုတွေကို ချေဖျက်နိုင်ပြီး ညစ်ညမ်းမှုကို အလိုအလျောက် တိုက်ပွဲဝင်နိုင်မယ့် ကျေပျက်လွယ်ဇီဝ ရိုဘော့ရဲ့ ရှေ့ပြေး နမူနာ ဖြစ်လာနိုင်တဲ့ မိုက်ခရိုလောင်စာဆဲလ်ကို သုံးမယ့် အထူးရေကူးစက် အကြောင်းကို ရှင်းပြထားပါတယ်။

Grady Booch: ဆူပါထက်တော်မယ့် AI တွေကို မကြောက်ကြပါနဲ့

TED@IBM

Grady Booch: ဆူပါထက်တော်မယ့် AI တွေကို မကြောက်ကြပါနဲ့

November 15, 2016


နည်းပညာသစ်တွေဟာ စိုးရိမ်စရာ အသစ်တွေ ဖြစ်နိုင်ကြတာ မှန်ပေမဲ့၊ ဘာမဆို လုပ်နိုင်စွမ်း ရှိကြပြီး ခံစားမှုမရှိကြတဲ့ AI တွေကို ကြောက်စရာ မလိုပါဘူးလို့ သိပ္ပံပညာရှင် နဲ့ ဒဿနိက ပညာရှင်ဖြစ်သူ Grady Booch က ဆိုပါတယ်။ Booch ဟာ သိပ္ပံဝတ္ထုများမှ ထွက်ပေါ်လာခဲ့ကြတာ ဖြစ်တဲ့ ဆူပါတော်တဲ့ AI တွေဆိုင်ရာ အဆိုးဝါးဆုံး စိုးရိမ်စတ်မှုတွေကို ဖယ်ရှားပစ်ရန်အတွက် AI ကို ကျွန်ုပ်တို့ တန်ဖိုးထားတာတွေကို မျှဝေခံစားရန် ဘယ်လို သင်ကြားပေးမှာကို ရှင်းပြထားပါတယ်။ အလားအလာ နည်းလှတဲ့ ခြိမ်းခြောက်မှုတွေ အကြောင်းကို စိုးရိမ်ကြမယ့် အစား၊ ကျွန်ုပ်တို့ဟာ လူသားတွေရဲ့ ဘဝကို AI ဘယ်လို မြှင့်တင်ပေးနိုင်ကြတာကို ထည့်စဉ်းစားသင့်တယ်လို့ ၎င်းက ယူဆပါတယ်။

Lara Setrakian: လွဲမှားနေတဲ့  သတင်းလုပ်ငန်းကို ပြုပြင်ဖို့ နည်းလမ်း ၃ ခု

TEDNYC

Lara Setrakian: လွဲမှားနေတဲ့ သတင်းလုပ်ငန်းကို ပြုပြင်ဖို့ နည်းလမ်း ၃ ခု

January 26, 2017


သတင်းလုပ်ငန်းနဲ့ ပတ်သက်ပြီး တစ်ခုခုကတော့ အင်မတန်ကို လွဲမှားနေပါတယ်။ မီဒီယာအပေါ် ယုံကြည်မှုဆိုတာဟာ ရာဇဝင်တွင်အောင်ကို နိမ့်ကျနေပါတယ်။ ကျွန်မတို့ဟာ လူပြိန်းကြိုက် တမင်တကာ နာမည်ကြီးအောင် ဖန်တီးထားတဲ့ အဖြစ်တွေနဲ့ လွှမ်းမိုးခံနေရပြီး တစ်သတ်မှတ်တည်း အရည်အသွေးမြင့်တဲ့ သတင်းပေးပို့ခြင်းဟာ ရှားပါတယ် လို့ဆိုသူကတော့ သတင်းစာသမားနဲ့ စွန့်ဦးထွင်လုပ်ငန်းရှင် Lara Setrakian ပါ။ သူမကနေပြီး သတင်းတွေကို ပြုပြင်နိုင်ဖို့ နည်းလမ်း ၃ ခုနဲ့ ကျွန်ုပ်တို့ ခေတ်ကာလရဲ့ ရှုပ်ထွေးလှတဲ့ ကိစ္စရပ်တွေ နားလည်လွယ်အောင် မျှဝေထားပါတယ်။

Rodrigo y Gabriela: လျှပ်စစ်ဓာတ်အားဖြင့် လှုံဆော်ပေးထားတဲ့ အကုစတစ် ဂစ်တာဖျော်ဖြေပွဲတစ်ခု။

TED2015

Rodrigo y Gabriela: လျှပ်စစ်ဓာတ်အားဖြင့် လှုံဆော်ပေးထားတဲ့ အကုစတစ် ဂစ်တာဖျော်ဖြေပွဲတစ်ခု။

March 16, 2015


နှစ်ယောက်တွဲ ဂစ်တာဝိုင်း Rodrigo y Gabriela ဟာ သူတို့ရဲ့ သီချင်းဖြစ်တဲ့ "The Soundmaker."ရဲ့ တိုက်ရိုက်ဖျော်ဖြေမှုမှာ ဖလန်မင်ကို ဂစ်တာနဲ့ အပြင်းစားဂီတနှစ်ခုစလုံးမှာ ထုတ်ယူထားတဲ့ ဟန်တစ်ခုကို ဖန်တီးဖို့ အမြန် သော့ပြီးတီးရတဲ့ တီးကွက်များနဲ့ ပြောင်မြောက်တဲ့ စည်ချက်များကို ပေါင်းစပ်ထားပါတယ်။

Deepika Kurup: လူငယ် သိပ္ပံပညာရှင်လေးရဲ့ သန့်ရှင်းသောရေ ရှာပုံတော်

TEDWomen 2016

Deepika Kurup: လူငယ် သိပ္ပံပညာရှင်လေးရဲ့ သန့်ရှင်းသောရေ ရှာပုံတော်

October 26, 2016


ထိဖို့ဆိုတောင် ညစ်ပတ်လွန်းပုံရတဲ့ သောက်ရေရှိရာ အိန္ဒိယက သူမရဲ့ အဖိုးအဖွားတွေရဲ့ အိမ်အပြင်ဘက်က ကလေးတွေကို မြင်တွေ့ပြီးနောက်မှာ Deepika Kurup ဟာ သူမအသက် ၁၄ နှစ်ကတည်းက ကမ္ဘာလုံးဆိုင်ရာ ရေအကြပ်အတည်းကို ဖြေရှင်းဖို့ စိတ်ပိုင်းဖြတ်ထားခဲ့ပါတယ်။ သူမရဲ့ သုတောသနပြုချက်ကို မိသားစု မီးဖိုချောင်မှာ စတင်ခဲ့ပြီး နောက်ဆုံးမှာတော့ အဓိက သိပ္ပံဆုတစ်ဆုဆီ ဦးတည်သွားခဲ့ပါတယ်။ တွက်ခြေကိုက်ပြီး ဂေဟဆိုင်ရာ သဟဇာတဖြစ်တဲ့ ရေကို သန့်စင်ဖို့ နည်းလမ်းတစ်ရပ်ကို ဒီဆယ်ကျော်သက် သိပ္ပံပညာရှင်ကလေးက ဘယ်လို တီထွင်တည်ဆောက်တယ်ဆိုတာ နားထောင်ကြပါဦး။

George Tulevski: နာနိုနည်းပညာရဲ့ နောက် ခြေလှမ်း

TED@IBM

George Tulevski: နာနိုနည်းပညာရဲ့ နောက် ခြေလှမ်း

November 15, 2016


တစ်နှစ်ပြီး တစ်နှစ် ကွန်ပျူတာထဲက ဆီလီကွန် ချီပ်ဟာ အရွယ်အစားအားဖြင့် တစ်ဝက် ကျုံ့လာနေကာ စွမ်းအားကျတော့ နှစ်ဆပိုကြီးထွားလာနေရာ၊ ကျွန်ုပ်တို့ သုံးကြတဲ့ ကိရိယာများကို လိုရာယူသွားနိုင်သလို သုံးရတာ ပိုလွယ်နေပါတယ်။ ဒါပေမဲ့ ကျွန်ုပ်တို့ရဲ့ ချီပ်တွေကို ဒီထက် ပိုပြီး သေးအောင် လုပ်မရတော့ရင် ဘယ်လို ဖြစ်လာမလဲ။ George Tulevski ဟာ မြင်မရ၊ တို့မရနိုင်တဲ့ နာနိုပစ္စည်းတွေကို လေ့လာသူပါ။ သူလက်ရှိ အားထုတ်နေတဲ့ အလုပ်က ဘီလီယံချီ ရှိကြတဲ့ ကာဗွန် နာနိုပြွန်တွေကို လျှပ်စီးပတ်လမ်းတွေကို ဆောက်လုပ်ရန် လိုအပ်တဲ့ ပုံစံမျိုးဖြင့် မိမိဘာသာမိမိ စုစည်းဖွဲ့စည်းလာစေရန် ဖြစ်ရာ၊ သဘာဝ ဇီဝအကောင်များက ခက်ခဲ ရှုပ်ထွေးလှကာ ကျော့ရှင်းကြတဲ့ အရာများကို ဆောက်လုပ်ကြတာနဲ့ ဆင်တူပါတယ်။ ၎င်းတို့ဟာ ကွန်ပျူတာရဲ့ လာမယ့် မျိုးဆက်အတွက် အားကိုးစရာများ ဖြစ်လာကြမလား။

Charity Wayua: အစိုးရကို ပြင်ပေးရန် နည်းလမ်း

TED@IBM

Charity Wayua: အစိုးရကို ပြင်ပေးရန် နည်းလမ်း

November 15, 2016


Charity Wayua ဟာ သူမရဲ့ ကင်ဆာရောဂါ သုတေသီ ကျွမ်းကျင်မှုများကို ရောဂါသည်နဲ့ လုံးဝမတူချင်တဲ့ သူမရဲ့ ဇာတိနိုင်ငံ ကင်ညာ အစိုးရကို ကုသရန် သုံးနေပါတယ်။ စီးပွားရေး တိုးတက်ရေးနဲ့ ကြီးထွားရေးအတွက် သိပ်ကို အရေးကြီးတဲ့ လုပ်ငန်းသစ်များ ဖွင့်လှစ်ရေး လုပ်ငန်းစဉ်ကို အကြီးအကျယ် ပြောင်းလဲပစ်ရန် သူမဟာ သူမရဲ့ အစိုးရကို ကူပေးခဲ့ရာ ရင်းနှီးမြှုပ်နှံမှု အသစ်တွေ ဝင်လာကြပြီး ကမ္ဘာ့ဘဏ်ကနေပြီး ထိပ်သီး ပြုပြင်ပြောင်းလဲနိုင်တဲ့ နိုင်ငံဆိုပြီး အသိအမှတ်ပြုခံခဲ့ရပါတယ်။