TED2019
ნეირომეცნიერმა ბოუ ლატომ "ცირკ დუ სოლეილსთან" ერთად ჩაატარა საკმაოდ ამბიციური კვლევა შიშით გამოწვეულ ემოციასა და მის ფსიქოლოგიურ და ქცევით სარგებლებზე. გამოსვლაში ის საუბრობს კვლების შედეგებზე და საშუალებას გვაძლევს ვნახოთ "ცირკ დუ სოლეილის" მოცეკვავეების მიერ შესრულებული შიშის მომგვრელი გასაოცარი დადგმა.
The Way We Work
წინა თაობები პოულობდნენ სამხასურს და იქ რჩებოდნენ ათწლეულების მანძილზე. მაგრამ დღეს იშვიათად ვრჩებით იგივე სამსახურში და არ ვართ შემოსავლის მხოლოდ ერთ წყაროზე დამოკიდებული. ჩვენ გვაქვს რესურსები, ვაკეთოთ ჩვენი საქმე და ბევრ ჩვენგანს აქვს მწარმოებლური უნარი, მათაც, მინც ტრადიციულ სამსახურს ემხრობა. მარკეტერი და პოდქასტერი ნიქაილა მეთიუს ოკომე გვეხმარება სურათის აღქმაში.
TED2018
ადამიანები მაიმუნებისგან განვითარდნენ თუ თევზებისგან? ამ საგანმანათლებლო საუბარში, იქტიოლოგი და ტედის ამხანაგი პროზანტა ჩაკრაბარტი გააქარწყლებს ზოგიერთ ფესვებგადგმულ მითს ევოლუციის შესახებ, შეგვაგულიანებს იმის დასამახსოვრებლად, რომ რთული, ოთხ მილიარდ წლიანი პროცესის მცირე ნაწილი ვართ -- და არა ხაზის დასასრული. "ჩვენ ევოლუციის მიზანი არ ვართ," ამბობს ჩაკრაბარტი. "წარმოვიდგინოთ საკუთარი თავი ახალგაზრდა ფოთლებად, უძველეს და გიგანტურ სიცოცხლის ხეზე -- დაკავშირებული უხილავი ტოტებით, არა მხოლოდ ერთმანეთთან, არამედ ჩვენს გადაშენებულ ახლობლებთან და ევოლუციურ წინაპრებთან.
TED2017
ცხოვრების რომელიღაც მომენტში, თითქმის ყოველ ჩვენთაგანს გაუტყდება გული. წარმოდგინეთ, რამდენად სხვაგვარად იქნებოდა ყველაფერი თუკი მეტ ყურადღებას დავუთმობდით ამ უნიკალურ ემოციურ ტკივილს. ფსიქოლოგი გაი უინჩი გვიყვება, თუ როგორ უნდა დავიწყოთ გატეხილი გულის გამთელება გადაწყვეტილებით ვებრძოლოთ გაიდეალიზების ინსტინქტებს და აღარ ვეძიოთ პასუხებს რომლებიც არ არსებობს -- და გვთავაზობს ტექნიკებს, როგორ გადავლახოთ დაშორება საბოლოოდ. გული, ზოგჯერ, შეიძლება გაგვიტყდეს, მაგრამ ეს არ ნიშნავს იმას, რომ ჩვენც უნდა გავტყდეთ მასთან ერთად.
TED2017
კაილა ბრიოტი ქმნის ხელოვნებას, რომელიც იკვლევს იდენტობას და თვით-გამოკვლევას... და შიშს, რომ მისი კულტურა ერთ დღეს შეიძლება დავიწყებულ იქნას. ის აზიარებს, თუ როგორ იპოვნა საკუთარი კრეატიული ხმა, თავისი ჰოლანდიურ-ინდონეზიური, ჩინური და ინდიელთა მემკვიდრეობა გააცოცხლა ისტორიებით, დროის კაფსულაში მოათავსა ფილმისა და მუსიკის შერწყმით.
TEDGlobal 2017
როგორ შეიძლება აფრიკაზე,რომელიც მსოფლიოში უმსხვილესი მდინარეების სამშობლოა ითქვას რომ წყლის კრიზისს განიცდის? ეს ასე არაა, ამბობს ოლუფემი ტაივო - აფრიკა ცოდნის დეფიციტს განიცდის. ტაივოს აზრით, წყლისა და საკვების შესახებ ცოდნის სიმწირე აფრიკის ამჟამინდელ მდგომარეობასა და მის ეკონომიკურ განვითარებას შორის არსებული ბარიერია. თავის ძლიერ გამოსვლაში ტაივო აფრიკას მოუწოდებს, კონტინენტის მასშტაბით ჯეროვნად განავითაროს განათლების დონე და კაცობრიობის განათლების კერის სტატუსი აღიდგინოს
TEDxMidAtlantic
საიდან მოდის ზიკა ვირუსი და რა შეგვიძლია მის წინააღმდეგ გავაკეთოთ? მოლეკულურ ბიოლოგს ნინა ფედოროფს მსოფლიოს გარშემო მივყავართ, რათა ზიკას წარმოშობისა და გავრცელების შესახებ გავიგოთ და საკამათო მეთოდს გვთავაზობს ამ ვირუსისა და სხვა მომაკვდინებელი დაავადებების შესაჩერებლად,რაც დაინფიცირებული კოღოების გამრავლების თავიდან აცილებაში მდგომარეობს.
TED2017
როგორ შეიძლება ადამიანები ასეთი ლმობიერნი და ალტრუისტები... და ამავე დროს ასეთი სასტიკნი და მოძალადეები იყვნენ? იმის გასაგებად, თუ რატომ ვაკეთებთ იმას, რასაც ვაკეთებეთ, ნეირომეცნიერი რობერტ საპოლსკი, უკიდურეს გარემოებებს აკვირდება, შეისწავლის რა, მოქმედებათა დროის მონაკვეთებს წამებითა და მილიონებით წლებით ადრე. ამ გასაოცარ საუბარში, ის გვიზიარებს ჩვენი ყველაზე უკეთესი და უარესი ქცევებს გამომწვევი ბიოლოგიის უახლეს კვლევას.
TED2017
"არ არის აუცილებელი, რომ ალცჰაიმერი თქვენი ტვინის ბედი იყოს" - ამბობს ნეირომეცნიერი და "ჯერ კიდევ ელისის" ავტორი, ლიზა ჯენოვა. ის გვიზიარებს უახლეს კვლევებს ამ დაავადების შესახებ და რამდენიმე დამაიმედებელ აღმოჩენას, რომელთა მიხედვითაც ჩვენ შეგვიძლია ალცჰაიმერისადმი რეზისტენტობის ჩამოყალიბება.
TEDxSkoll
"არსებობს ფაქტები, არსებობს მოსაზრებები და არსებობს ტყუილები," ამბობს ისტორიკოსი დებორა ლიპსტადტი. ის ჰოლოკისტის უარმყოფელების საკუთარი გამოკვლევის შესანიშნავ ამბავზე და მათ მიერ ისტორიის დამახინჯების გამიზნულ მცდელობაზე გვიამბობს. ლიპსტადტი ჩვენ ყველას მოგვიწოდებს დავუპირისპირდეთ მათ, ვინც უტევს ფაქტებსა და ჭეშმარიტებას. "სიმართლე ფარდობითი არ არის", ამბობს იგი.
TEDWomen 2016
დეპიკა კურუპს მტკიცედ აქვს გადაწყვეტილი გადაჭრას გლობალური წყლის კრიზისი, მას შემდეგ, რაც 14 წლის ასაკში ბებია-ბაბუის სახლის გარშემო დაინახა ბავშვები, რომლებიც მეტისმეტად ჭუჭყიან წყალს სვამდნენ. მისი კვლევა ოჯახის სამზარეულოში დაიწყო და საბოლოოდ სამეცნიერო პრიზამდე მივიდა. მოისმინეთ თუ როგორ განავითარა ამ თინეიჯერმა მეცნიერმა წყლის გასაწმენდად ეკონომიური და ეკო-მეგობრული გზა.
TED@IBM
ყოველწლიურად კომპიუტერის სილიკონის ჩიპი, ზომაში ნახევრდება და ორმაგად მძლავრი ხდება, რაც ჩვენს მოწყობილობებს უფრო მობილურს და ხელმისაწვდომს ხდის, მაგრამ რა მოხდება, როდესაც ჩიპები მინიმალურ ზომას მიაღწევენ? ჯორჯ ტულევსკი ნანომასალების უხილავ და ხელუხლებელ სამყაროს იკვლევს. მისი მიმდინარე სამუშაო, ისეთი ქიმიური პროცესების შექმნაა, რომელთა საშუალებით მილიარდობით ნახშირბადის ნანომილი სქემისთვის საჭირო სტრუქტურად აიწყობა. ისევე როგორც ბუნებრივი ორგანიზმები ქმნიან რთულ, მრავალფერივან და ელეგანტურ სტრუქტურებს. იქნებ ამაშია მომავალი თაობის კომპიუტერების საიდუმლო?
TED Talks Live
რის სწავლას ველით ჩვენი ბავშვებისგან, როცა ისინი ან მშივრები არიან, ან მათი კვების რაციონი, შაქრით სავსეა და საკვები ნივთიერებებისგან დაცლილი? თეთრი სახლის ყოფილი შეფ-მზარეული და სასურსათო პოლიტიკის ექსპერტი სემ კესი მსჯელობს სკოლის როლზე მოსწავლეების არა მხოლოდ გონების, არამედ სხეულის კვებაშიც.
TEDxOmaha
"როდესაც ქალებს ვეუბნებით, რომ ორსულობისას სექსი რისკად არ ღირს, სინამდვილეში ვეუბნებით, რომ მისი სექსუალური სიამოვნება მნიშვნელოვანი არ არის... რომ ქალი ფაქტიურად არაა მნიშვნელოვანი" - ამბობს სექსის მკლევარი სოფია ჯავედ-უესელი. ამ თვალის ამხილველ საუბარში, ჯავედ-უესელი ამსხვრევს ჩვენს შეხედულებებს ორსულობისა და სიამოვნების შესახებ. ის გვაჩვენებს ქალებს, სექსსა და ძალაუფლების სისტემებს შორის დამოკიდებულებას.
TED@IBM
ჩერითი ვეიუამ გამოიყენა თავისი, როგორც კიბოს მკვლევარის უნარები, თითქოს უპერსპექტივო პაციენტის - მშობლიური კენიის მთავრობის განსაკურნებლად. ის გვიზიარებს გამოცდილებას, თუ როგორ დაეხმარა მთავრობას კარდინალურად გაეუმჯობესებინა ახალი ბიზნესის დაწყების პროცესი, რომელიც ეკონომიკის სიჯანსაღისა და ზრდისთვის აუცილებელი კომპონენტია და რომელმაც ისინი ახალ ინვესტიციებთან და მსოფლიო ბანკის აღიარებასთან მიიყვანა.
TEDWomen 2016
დღესდღეობით 9 ქვეყანა ჯამში 15 000-ზე მეტ ბირთვულ იარაღს აკონტროლებს. თითოეული მათგანი ჰიროსიმასა და ნაგასაკიში გამოყენებულ იარაღზე 100-ჯერ ძლიერია. ჩვენ მეტი ბირთვილი იარაღი არ გვჭირდება. ჩვენ გვჭირდება ახალი თაობა, რომელიც ათწლეულების წინ წამოწყებულ განიარაღების გამომწვევას დაასრუელებს. ბირთვული რეფორმატორი ერიკა გრეგორი მიმართავს ამჟამინდელ ლიდერებს, მათ, ვინც ცივ ომს და ბირთვული აფეთქებისგან დასაცავ წრთვნებს არ მოსწრებია და მოუწოდებს, რომ მისდიონ ამბიციურ მიზანს და 2045 წლისთვის გაათავისუფლონ მსოფლიო ბირთვული იარაღისგან.
TEDxNewYork
გზა უკეთესი წამლისკენ შემთხვევითი, თუმცა რევოლუციური აღმოჩენებითაა გაკვალული. ამ კარგად მოყოლილ ამბავში, იმაზე, თუ როგორ მუშაობს მეცნიერება, ნეორომეცნიერი რებეკა ბრაქმანი გვიზიარებს სიახლეებს მოულოდნელად აღმოჩენილ მკურნალობაზე, რომელსაც თავიდან შეუძლია აგვაცილოს ფსიქიკური დარღვევები, როგორიცაა დეპრესია და პოსტ-ტრავმული სტრესული აშლილობა. მოუსმინეთ მოულოდნელობებს და განვითარებას.
TEDWomen 2016
კვირაში 168 საათია. როგორ ვპოულობთ დროს იმისთვის, რაც ჩვენთვის ძალიან მნიშვნელოვანია? დროის მართვის ექსპერტი ლაურა ვანდერკამი იკვლევს, თუ როგორ ატარებენ დაკავებული ადამიანები თავიანთ ცხოვრებას. მან აღმოაჩინა, რომ ბევრი ჩვენგანი გადაჭარბებით აფასებს საკუთარ ვალდებულებებს, მაშინ როცა საკმარისად ვერ აფასებს საკუთარი თავისთვის დათმობილ დროს. ის ჩვენთვის მნიშვნელოვანი საქმისთვის, მეტი დროის გამონახვის რამდენიმე პრაქტიკულ ხერხს გვთავაზობს, იმისთვის რომ შევძლოთ "სასურველი ცხოვრების მოწყობა, იმ დროში რაც გვაქვს."
TEDWomen 2016
ახლა, როდესაც თითქოს მსოფლიო უკონტროლო ხდება, რელიგია შეიძლება შეუსაბამოდ, ან პრობლემის ნაწილად ჩანდეს, მაგრამ რაბინ შერონ ბრაუსს მიაჩნია, რომ ჩვენ შეგვიძლია იგი თანამედროვე ცხოვრების საჭიროებების შესაბამისად განვაახლოთ. ამ მგზნებარე გამოსვლაში, ბრაუსი გაცოცხლებული რელიგიური პრაქტიკის ოთხ პრინციპს გვიზიარებს და გვთავაზობს, რომ ყველა სახის რწმენა გამოვიყენოთ, როგორც კონტრ-ნარატივი ძალადობის, ექსტრემიზმისა და პესიმიზმის წინააღმდეგ.
TEDxGhent
როგორ განვსაზღვრავთ მშობელს, ან ოჯახს? ბიოეთიკოსი ვეერლე პროვუსტი ამ კითხვებს იკვლევს არატრადიციული ოჯახების კონტექსტში, რომლებიც შვილად აყვანის, მეორე ქორწინების, სუროგატი დედების, ან სპერმის დონაციის შედეგად არიან ერთად. ამ საუბარში ის გვიზიარებს, თუ როგორ ქმნიან მშობლები და ბავშვები საკუთარი ოჯახების ისტორიებს.
TED@UPS
საპნის ოპერები და ტელენოველები შეიძლება გაბერილი და გაზვიადებული იყოს, მაგრამ როგორც კეიტ ადამსი გვიჩვენებს, ისინი ხშირად ირეკლავენ რეალური ცხოვრების ინტენსივობასა და დრამას. სერიალ "დედამიწა რაზეც დგას"-ის რეჟისორის ყოფილი მოადგილე კასტინგის საკითხებში, ადამსი გვიხსნის: "საპნის ოპერები გვასწავლიან, რომ განვდევნოთ ეჭვი და ვირწმუნოთ ჩვენი უნარების: სიმამაცის, დაუცველობის, შეგუებადობის და გამძლეობის. ამ გამოსვლაში, ის გამოყოფს 4 ცხოვრებისეულ გაკვეთილს და გვახსენებს, რომ არასოდესაა გვიანი შევცვალოთ ჩვენი ისტორია.
TEDSummit
ჯო ლასიტერი სიღრმისეულად მოაზროვნე და პირდაპირი პიროვნებაა, რომელიც კონცენტრირდება დაბალ ხარჯიანი ენერგიის სუფთა, დაცული და ნახშირბად-ნეიტრალური წყაროების განვითარებაზე. მსოფლიოს ენერომომარაგების მისეული ანალიზი, ატომური ენერგიის მწვავე საკითზე ფოკუსირდება, მათ შორის ატომური სადგურების ახალ დიზაინებზე, რომლებიც ეკონომიკურ კონკურენციას გაუწევენ წიაღისეულ საწვავს. ჩვენ გვაქვს პოტენციალი, რომ ატომური ენერგია უფრო უსაფრთხო და იაფი გავხადოთ, ვიდრე ეს წარსულში იყო, ამბობს ლასიტერი. ახლა, ჩვენ გეზი ამ მიმართულებით უნდა ავიღოთ.
TEDxNewYork
რთულია იყო გამბედავი, მაშინაც კი როცა საჭიროა. გაიგეთ, როგორ დაიცვათ თქვენი პოზიცია, როგორ მოიქცეთ რთულ სოციალურ სიტუაციებში და გაზარდეთ პიროვნული ძალაუფლება სოციალური ფსიქოლოგის ადამ გალინსკის გონივრული რჩევებით.
TED Studio
გამოგონების საფუძველი ხომ საჭიროებაა? მართალი გითხრათ, ყოველთვის არა. სტივენ ჯონსონი გვიჩვენებს, რომ კომპიუტერისმაგვარი იდეები და ტექნოლოგიები, რომლებმაც სამყარო შეცვალეს, სულაც არ შექმნილა საჭიროებიდან გამომდინარე, არამედ უცნაური გართობის სურვილიდან. გააზიარე ეს შთამბეჭდავი, ილუსტრირებული მოგზაურობა ინოვაციების ისტორიაში. აღმოჩნდა, რომ იქ იპოვი მომავალს, სადაც ადამიანები ყველაზე კარგად ერთობიან.
TEDSummit
ხუთი წლის წინ, TED-ის სტიპენდიანტი, ჯენ ბრეა, მიალგიური ენცეფალომიელიტით დაავადდა, რომელიც ქრონიკული დაღლილობის სინდრომად არის ცნობილი. დამაუძლურებელი დაავადება, მნიშვნელოვნად აფერხებს უბრალო აქვიტობებს და მძიმე დღეეებში ზეწრის შრიალის ხმასაც კი აუტანელს ხდის. ამ ტკივილით სავსე გამოსვლაში, ბრეა აღწერს იმ დაბრკოლებებს, რომლებსაც ამ დაავადების მკურნალობის ძიებაში გადააწყდა. დაავადების, რომლის საწყის მიზეზები და ფიზიკური ზემოქმედება სრულად არ გვესმის. ის ასევე გვიყვება საკუთარ მისწრაფებაზე, დოკუმენტურად აღწეროს იმ პაციენტების ცხოვრება, რომელთა განკურნებაც მედიცინას უჭირს
TEDSummit
მიესალმეთ დეცენტრალიზებულ ეკონომიკას - ცოტაც და "ბლოკჩეინი" ყველაფერს შეცვლის. ბეტინა უორბურგი გასაგებად აგვიხსნის რთულ (და დამაბნეველ) ტექნოლოგიას და იმას, თუ როგორ შეამცირებს ის ცენტრალიზებული ინსტიტუციების საჭიროებას, როგორიცაა ბანკი ან მთავრობა და ხელს შეუწყობს ვაჭრობას. "ბლოკჩეინი" ძველ საფინანსო და კომერციულ მოდელებს, ბევრად უფრო საინტერესო რამედ გადააქცევს: განაწილებულ, გამჭირვალე და ავტონომიურ გაცვლითი ოპერაციების სისტემად
TED Talks Live
"სანამ მეომრები საბრძოლველად გაიგზავნებიან, მათ წვრთნიან, თუ როგორ იარსებონ ძალიან სახიფათო გარემოში. თუმცა, მათ ასევე სჭირდებათ მომზადება, თუ როგორ დაუბრუნდნენ ბრძოლის ველიდან სამოქალაქო ცხოვრებას"-ამბობს ფსიქოლოგი ჰეკტორ გარსია. იმავე პრინციპების გათვალისწინებით, რომლითაც ჯარისკაცები ომისთვის ემზადებიან, გარსია ეხმარება ომის ვეტერანებს, რომლებიც პოსტ ტრავმული სტრესული აშლილობით იტანჯებიან, დაუბრუნდნენ ნორმალურ ცხოვრებას.
TEDWomen 2016
2015 წლის 10 თებერვალს, სუზან ბარაკატის ძმა დია, მისი ძმის ცოლი იუსორი და იუსორის და რაზანი, მათმა მეზობლებმა მოკლეს, ჩეპელ ჰილში, ჩრდილოეთ კაროლინაში. დამნაშავეს ჩვენება, რომ კოფლიქტი პარკინგის ადგილის გამო მოუვიდათ, კითხვების გარეშე დატოვა მედიამ და პოლიციამ. ბარაკატების ოჯახმა კი საჯაროდ თქვა სიმართლე და ამ დანაშაულს სიძულვილის მკვლელობაც კი დაარქვა. ისინი მიმართავენ ხალხს, რომ ჩუმად არ იყვნენ, როცა დისკრიმინაციის მომსწრენი გახდებიან, თხოვენ, რომ თანადგომა გამოხატონ მათ მიმართ.
TEDWomen 2016
სითბოთი და მახვილგონივრულობით სავსე ჰალა ტომასდოტირი გვიზიარებს, თუ როგორ მიუდგა მედიის არაობიექტურობას, შეცვალა პოლიტიკური დებატების ტონი და მთელი ერი გააოცა, როდესაც ისლანდიის საპრეზიდენტო არჩევნებში მონაწილეობა მიიღო, რითაც შთააგონა მომავალი თაობის ლიდერები."რასაც ვხედავთ, შეგვიძლია გავხდეთ კიდეც" "მნიშვნელოვანია, რომ ქალები მმართველები იყვნენ"-ამბობს ჰალა ტომასდოტირი.
TED@UPS
რა იქნებოდა, საგზაო მოძრაობა ისეთივე შეუფერხებელი და ეფექტური რომ ყოფილიყო, როგორც სისხლის დინება ჩვენ ძარღვებში? ტრანსპორტირების ექსპერტი უანის კაბაჟი ფიქრობს, რომ მომავლის სატრანზიტო სისტემების შემუშავებაშო, შესაძლოა შთაგონების წყაროდ ბიოლოგიის გენიალობა გამოგვადგეს. ამ მომავალზე ორიენტირებულ გამოსვლაში, ის აჯამებს კონცეფციებს როგორებიცაა: მოდულარული; დაშლადი ავტობუსები; მფრინავი ტაქსები და ჩამოკიდებული მაგნიტური სატრანსპორტო ქსელი, რომლებსაც შეუძლიათ დინამიური, უმძღოლო მანქანების შესახებ ოცნება რეალობად აქციონ.
