TED2011
Ռիկ Էլիասը նստած էր 1549 համարի չվերթ իրականացնող ինքնաթիռի առաջին շարքում, երբ ինքնաթիռը վթարային վայրէջք կատարեց Նյու-Յորքի Հուդզոն գետի վրա 2009 թ-ի հունվարին: Ինչ էր անցնում նրա մտքով, երբ անիծյալ ինքնաթիռը ներքև էր սլանում: TED-ում առաջին անգամ նա կիսվում է այդ պատմությամբ:
TED2011
Մեզանից շատերը կանեն ամեն բան, որպեսզի խուսափեն սխալ լինելուց։ Բայց ի՞նչ եթե մենք սխալվում ենք այդ առումով։ «Սխալաբան» Քեթրին Շուլցը համոզում է մեզ ոչ միայն ընդունել մեր սխալները, այլ նաև ողջունել դրանք։
TEDxParis 2010
Սարա Կամինսկին պատմում է իր հոր` Ադոլֆոյի զարմանահրաշ պատմությունը և Երկրորդ համաշխարհային պատերազմի ժամանակ նրա գործունեության մասին, երբ նրա սրամտությունը և կեղծարարության հանդեպ տաղանդը կյանքեր է փրկել։ TEDxParis-ի այս ելույթը ֆրանսերենով է, և ունի անգլերեն տողատակ։
TEDxToronto 2010
Տեղական ինքնակառավարումը՝ դպրոցներներում, խորհրդի ընտրություններում, տեղի է ունենում հենց այնտեղ, որտեղ մենք ապրում ենք։ Ինչու՞ մենք ավելի շատ չենք ներգրավվում այդ ամենի մեջ։ Արդյո՞ք պատճառն անտարբերությունն է։ Դեյվ Մեսլինն ասում է՝ ոչ։ Նա սահմանում է 7 խոչընդոտ, որոնք խանգարում են մեզ մասնակցել համայնքի գործերի կառավարմանը, նույնիսկ, երբ մենք իրականում անտարբեր չենք։
TEDxGreatPacificGarbagePatch
TEDxGPGP-ի ժամանակ Ջեքսոն Բրաունը ներկայացրեց մի երգ, որի աշխատանքները սկսել էր դեռ անցած ապրիլ ամսվա ընթացքում, Mission Blue Voyage նավի վրա` ոգեշնչված լինելով Սիլվիա Էրլով: Երգը նվիրված է բացահայտելու օվկիանոսը պահպանելու ուղիներին: Նա երգում է. «Եթե կարողանայի որևէ տեղ լինել, որտեղ էլ որ հիմա լինեի, այստեղ կլինեի»:
TEDWomen 2010
Ակտիվիստ Քերոլին Քեյսին պատմում է իր զարմանահրաշ կյանքի պատմությունը, կիսվելով իր բացահայտման հետ (առանց սպոյլերների)։ Ընկալումներին մարտահրավեր նետող այս ելույթի ընթացքում, Քեյսին խնդրում է մեզ բոլորին շարժվել մեր սահմանափակումներից անդին։
TEDActive 2011
Նյարդային համակարգի հիվանդությունն ամբողջությամբ կաթվածահար է արել գրաֆիտի արվեստագետ ՏԵՄՊՏ-ին, ով աշխարհի հետ կարող է շփվել միայն աչքերը թարթելով: Այս հիշարժան TEDActive-ի ելույթում, ձեռնարկատեր Միք Էբելինգը պատմում է մի մատչելի սարքի մասին, որը ստեղծվել է իր թիմի կողմից՝ հնարավորություն ընձեռելով արվեստագետին և բոլոր նման իրավիճակում գտնվող մարդկանց, կրկին ստեղծագործել։
TED2011
Գեներալ-գնդապետ Սթենլի ՄաքԿրիստելը կիսվում է ռազմական ուժերում տասնամյակներով ծառայության ընթացքում իր առաջնորդության մասին ձեռքբերած գիտելիքներով: Ինչպե՞ս կարող ես ընդհանուր նպատակի գաղափար ստեղծել տարբեր տարիք և պրոֆեսիոնալիզմի տարբեր մակարդակներ ունեցող մարդկանց միջև: Լսելու, հասկանալու և սխալներ թույլ տալու միջոցով:
TED2011
Անցյալ տարվա հուզիչ և ամենահայտնի տեսահոլովակում կոմպոզիտոր Էրիկ Վայթաքերը ղեկավարում էր աշխարհի տարբեր ծայրերից միավորված երգիչների վիրտուալ երգչախումբը: Նա պատմում է, թե ինչպես է հնարավոր YouTube-ի միջոցով իրագործել երաժշտության ստեղծումը և ներկայացնում է իր նոր աշխատանքի առաջին երկու րոպեները. անվանումը` «Քուն», կատարում է վիրտուալ երգչախումբը` 2,052 երգիչներով: Այս ստեղծագործության պրեմիերան կկայանա ապրիլի 7-ին ( այո', հենց YouTube-ում):
TED2011
Սեբաստիան Թրանն օգնել է կառուցել Գուգլի` առանց վարորդի զարմանալի մեքենան, որը հայտնաբերվել է շատ անձնական որոնումների արդյունքում` մարդկային կյանքեր փրկելու եւ ճանապարհատրանսպորտային պատահարները նվազեցնելու համար: Շշմեցուցիչ տեսագրությունը ցույց է տալիս, որ «DARPA մարտահրավերներ»-ն անցած մեքենան շարժվում է քաղաքի ակտիվ երթևեկության միջով` առանց որևէ մեկը ղեկին, եւ TED2011-ի փորձնական դրամատիկ տեսանյութերը ցույց են տալիս, թե որքան արագ այն իսկապես կարող է գնալ:
TEDxDubai
TEDxDubai-ի ընթացքում, անգլերենի վաստակավոր ուսուցիչ Պատրիցիա Ռայանն պրովոկացիոն հարցադրում է անում. արդյո՞ք անգլերեն ուղղվածություն ունեցող աշխարհում կանխվում է հոյակապ մտքերի տարածումը այլ լեզուներով: (Օրինակ. ի՞նչ կլիներ, եթե Էյնշտեյնը ստիպված լիներ TOEFL հանձներ). Սա շատ եռանդուն պաշտպանություն է ուղղված թարգմանությանը և մտքերի տարածմանը:
TEDxAmsterdam
«Մարդկային ձայն` խորհրդավոր, ինքնաբուխ, նախնադարյան»: Այս խոսքերով սոպրանո երգչուհի Քլերոն Մքֆեդնը հրավիրում է մեզ ուսումնասիրելու շնչառության և երգեցողության առեղծվածները, մինչ նա կատարում է Ջոն Քեյջի հեղինակած բարդ «Արիա»-ն:
TED2011
Էյսոր Բենդերը Բերքլի Բիոնիքս ընկերությունից ներկայացնում է երկու հիանալի Էխո-կմախքներ, HULC-ը և eLEGS ռոբոտային լրացումները, որոնք մի օր հնարավորություն են տալու մարդկությանը 200 փաունդ առանց հոգնելու կամ հնարավոր է դարձնելու անվասալյակին գամվածին կանգնել և քայլել:Դա մի հզոր Դեմո է, որը կիրառական կարող է դառնալ մարդկային տարբեր կարողությունների վրա:
TEDWomen 2010
Ո՞րն է արդյունաբերական հեղափոխության ամենամեծ հայտնագործությունը։ Հանս Ռոսլինգը պնդում է, որ դա լվացքի մեքենան է։ Օգտագործելով Gapminder-ի նոր գրաֆիկներ, Ռոսլինգը ցույց է տալիս մեզ, թե ինչ հրաշք է տեղի ունենում, երբ տնտեսական աճը և էլեկտրականությունը վերածում են լվացքի ձանձրալի օրը կարդալու` մտավոր աշխատանքի օրվան։
TED2011
«Եթե ես աղջիկ ունենամ, մայրիկի փոխարեն նա ինձ «Բ կետ» կանվանի...» այսպես TED2011-ին իր ելույթը սկսեց բանաստեղծուհի Սարա Քեյը և ոգեշնչեց հանդիսատեսին երկու անգամ ոտնկայս ծափահարել իրեն: Նա պատմում է իր առաջին վերամարմնավորման պատմությունը` լայն աչքերով մի դեռահասից, ով պոեզիա էր կլանում նյու-յորքյան Bowery Poetry Club-ում, մինչև ուսուցիչ, ով երեխաներին պատմում է ինքնաարտահայտման հզոր ուժի մասին V.O.I.C.E. նախագծի շրջանակներում: Բացի այդ, Քեյը հրաշալի կերպով ներկայացնում է «Բ» և «Հիրոշիմա» ստեղծագործությունները:
TED2011
Կամավոր հրդեհաշեջ Մարկ Բեզոսը պատմում է հերոսական արարքի մասին, որը սպասվածի պես չընթացավ, բայց, որից նա մեծ դաս քաղեց՝ մի սպասեք հերոս դառնալուն:
TED2011
Կիսվելով իր վերջին գրքի հայտնագործություններով, Նյու-Յորք Թայմսի թղթակից Դեվիդ Բրուքսը խորհում է մարդկային բնույթի մասին նոր բացահայտումների շուրջ: Բացահայտումներ, որոնք հսկայական հետևանքներ կարող են ունենալ տնտեսության, քաղաքականության, ինչպես նաև մեր ինքնագիտակցության համար։ Այս հումորային ելույթի ընթացքում նա ցույց է տալիս, որ անհնար է փորձել հասկանալ մարդուն, որպես առանձին անհատ, ով ընտրություններ է կատարում` որպես հիմք ընդունելով իր գիտակից իրազեկությունը։
TED2011
Մինչ ինտերնետ ընկերությունները ձգտում են հարմարեցնել իրենց կողմից մատուցվող ծառայությունները (այդ թվում, լուրերը և որոնման արդյունքները) մեր անձնական նախասիրություններին, մեզ չնախատեսված վտանգ է սպառնում․ մենք ընկնում ենք «ֆիլտրող փուչիկների» թակարդը և զրկվում ենք հնարավորությունից ստանալ այն տեղեկատվությունը, որը կարող է մարտահրավեր նետել մեզ կամ ընդլայնել մեր աշխարհայացը: Էլի Փարիզերը համոզված է, որ սա ի վերջո վատ հետևանքներ է ունենալու մեզ համար և ժողովրդավարության համար:
TED2011
Վիրաբույժ Անթոնի Աթալան ցույց է տալիս առաջին փուլում գտվող մի փորձ, որը կարող է մի օր լուծել օրգանների փոխպատվաստման խնդիրը ՝ եռաչափ մի տպիչ, որը օգտագործում է կենդանի բջիջները երիկամի տրանսպլանտատ ստանալու համար։ Նմանատիպ տեխնոլորգիայից օգտվելով Բժ․ Աթալայի երիտասարդ հիվանդը՝ Լյուկ Մասելան 10 տարի առաջ փոխպատվաստվեց նման միզապարկով, ում հետ կծանոթանանք բեմից։
TED2011
Վաել Գոնիմը Google-ի ղեկավար աշխատակից է, ով Եգիպտոսի ժողովրդավարական հեղափոխության սկիզբն է դրել՝ ստեղծելով Facebook էջ նվիրված վարչակարգի բռնության զոհի հիշատակին։ Ելույթ ունենալով TEDxCairo-ում, նա պատմում է վերջին երկու ամիսների պատմությունը, երբ եգիպտացիները ցույց տվեցին, որ «մարդկանց իշխանությունն ավելի հզոր է քան իշխանության հասած մարդիկ»։
TED2011
JR-ը ֆրանսիացի կիսա-անանուն փողոցային «նկարիչ» է, ով օգտագործում է իր ֆոտոխցիկը աշխարհին իր իրական դեմքը ցույց տալու համար, փակցնելով մարդկանց դիմանկարներով պատկերված հսկայական պաստառներ։ TED2011-ին նա արտահայտում է իր համարձակ ցանկությունը. այն է` օգտագործել արվեստը աշխարհը տակնուվրա անելու համար։ Իր աշխատանքին, ինչպես նաև ձեր մասնակցության մանրամասներին ծանոթանալու համար, այցելեք insideoutproject.net կայքը։
TEDWomen 2010
Երեք Ան քույրերն (թավջութակահար Մարիան, դաշնակահար Լուսիան, ջութակահար Անգելան) իրենց զգացմունքային երաժշտությամբ նոր շունչ են մտցնում դաշնամուրային տրիոյի մեջ: TedWomen–ի ելույթի ընթացքում նրանք հանդես եկան Բալակրիշնանի «Սկայլայֆ» փայլուն և վառ ստեղծագործությամբ, այնուհետև մատուցեցին Աստոր Պիազզոլայի «Օբլիվիըն» ստեղծագործության իրենց հիասքանչ և ժամանակակից մեկնաբանությունը:
TEDWomen 2010
ԱՄՆ նախկին պետքարտուղար Մադլեն Օլբրայթը բացահայտ խոսում է քաղաքականության և դիվանագիտության մասին, պնդելով, որ կանանց հարցերը արժանի են գտնվել արտաքին քաղաքականության ուշադրության կենտրոնում։ Կանանց հարցերը, շատ հեռու են մեղմ լինելուց, իրականում դրանք հաճախ կյանքի և մահվան հարցեր են։ Անկեղծ և զվարճալի հարց և պատասխան Paley Center-ի աշխատակից Փեթ Միտչելի հետ։
TEDxRainier
TEDxRainier-ի ժամանակ Պատրիցիա Քուլը կիսվեց ապշեցուցիչ բացահայտումներով այն մասին, թե ինչպես են երեխաները լեզուներ սովորում` լսելով շրջապատող մարդկանց և «վիճակագրություն հավաքելով» այն հնչյունների մասին, որոնք նրանց անհրաժեշտ են: Լաբորատոր փորձերը (և ուղեղի նկարները) ցույց են տալիս, թե ինչպես են 6 ամսական երեխաներն օգտագործում շատ բարդ տրամաբանական կապեր, որպեսզի հասկանան իրենց աշխարհը:
TEDWomen 2010
Նրանց «Սոմալիի սրբեր» են անվանել: Բժիշկ Հավա Աբդին և նրա դուստր Դեքո Մոհամեդը պատմում են Սոմալիի` իրենց հրաշք կլինիկայի մասին, որտեղ քաղաքացիական պատերազմի և կանանց բացահայտ ճնշման պայմաններում նրանք կառուցել էին հիվանդանոց, դպրոց և խաղաղ համայնք:
TEDxSydney
Աշխատանք-կյանք հավասարակշռությունը, ըստ Նայջել Մարշի, չափազանց կարևոր է գործատուի կառավարման ներքո գտնվելուը համար: TEDxSydney միջոցառման ժամանակ Մարշը դուրս է բերում կատարյալ հավասարակշռության բանաձևը ընտանիքին նվիրված ժամանակի, անձնական ժամանակի և արդյունավետության միջև ու առաջարկում է մի անհավանական միտք, թե ինչպես դրան հասնել:
TEDWomen 2010
ԶԼՄ-ները ուսումնասիրող Ջոաննա Բլեքլիի խոսքերով լրատվամիջոցները և գովազդային ընկերությունները դեռ օգտագործում են հին դեմոգրաֆիկ մեթոդները իրենց լսարանանը հասկանալու համար, բայց նրանց առցանց հետևելը ավելի ու ավելի դժվար է դառնում: Քանի որ ավանդական լրատվամիջոցները զիջում են իրենց դիրքերը սոցիալական լրատվամիջոցներին, և օգտվողների շարքում կանայք գերակշռում են տղամարդկանց, Բլեքլին բացատրում է` ինչ փոփոխություններ են սպասվում ԶԼՄ-ներին ապագայում:
TEDWomen 2010
Նյու Յորքեր ամսագրի ծաղրանկարիչ Լիզա Դոնելին կիսվում է ժամանակակից աշխարհի մասին իր իմաստուն և զվարճալի ծաղրանկարներով և խոսում այն մասին, թե ինչպես հումորը կարող է օգնել կանանց կանոններ փոխել։
TEDMED 2010
«Դու այլևս երբեք չես երգի»,- ասաց նրա բժիշկը: Բայց իր պատմության մեջ, որտեղ խոսվում է նաև բժշկական վերջին հնարավորությունների մասին, օպերային սոպրանո Չերիթի Թիլման-Դիքը կրկնակի փրկության պատմություն է պատմում. մեկը`թոքերի կրկնակի փոխպատվաստումից հետո իր մարմնի փրկության, մյուսը` իր` երգելու անկոտրում կամքով լցված հոգու փրկության մասին: Մի ազդեցիկ պատմություն 2011 թ. TEDMED-ից։
TEDxPSU
TEDxPSU-ի ժամանակ Էլի Կար-Չելմանը ներկայացնում է երեք պատճառ, որոնք ամբողջովին հիասթափեցնում են տղաներին ու վատ տրամադրվածություն ստեղծում դեպի դպրոցը, և առաջարկում է տղաներին ուսման գործընթաց հետ բերելու իր տարբերակը` բերելով դպրոց իրենց ապրելակերպը, նոր կանոններով, որոնք թույլ են տալիս տղաներին գործել որպես տղա, և տեսախաղեր, որոնք ինչպես ուսուցանում, այնպես էլ զվարճացնում են:
