TEDSalon NY2011
Што претставува грешката? Демонстрирајќи низ примери со неговиот импровизациски Џез квартет, Стефон Харис ни осветлува една длабока вистина: многу од однесувањата ги восприемаме како грешки, само поради тоа што не реагираме соодветно кон истите.
TEDGlobal 2011
Изненаден тест: Кога започнува учењето? Одговор: Пред да се родиме. Научната писателка Ени Марфи Пол зборува за новите истражувања кои покажуваат колку многу учиме во утробата - од ритамот на нашиот мајчин јазик, па сè до храната која ќе ни биде омилена во иднина.
TED2011
Дејмон Хоровиц предава филозофија преку затворски Универзитетски Проект, држи факултативни часови на затворениците во државниот затвор во Сен Квентин. Во овој краток, но моќен говор, тој раскажува една случка за правилното и погрешното кога тие стануваат премногу лични.
Full Spectrum Auditions
„iPad“ раскажувачот Џо Сабиа ни го претставува Лотар Мегендорфер, пронаоѓач кој, во изминатиот век создаде важна технологија на раскажувањето: релјефната книга. Сабиа покажува како новата технологија секогаш ни помага да ги раскажеме нашите сопствени приказни, од пештерските ѕидови па сè до „iPad“-от кој го држи во раката додека е на сцена.
TEDGlobal 2011
Како да разбереме на кој начин фунционира мозокот? Исто како што го разбираме градот: преку правење на мапа: Во овој визуелно запрепастувачки говор, Ален Џонс покажува како неговиот тим врши означување на активните гени одделно во секоја мала мозочна област, и воедно како сето тоа е поврзано.
TEDGlobal 2011
Со користење на техники за цртање и шармантно раскажување, магионичарот Марко Темпест ни дава одлична изведба во живо на сцената на TEDGlobal.
TEDGlobal 2011
Неврологот Даниел Волперт тргнува од една изненадувачка премиса: мозокот еволуирал, не за да мисли или за да чувствува, туку за да ги контролира движењата. Во овој забавен и богат со податоци говор тој ни дава поглед кон тоа како мозокот ја создава елегантноста и агилноста на човечкото движење.
TEDGlobal 2011
Што стои позади нашата желба да се однесуваме морално? Невроекономистот Пол Зак ја демонстрира причината зошто тој верува дека окситоцинот (тој го нарекува "моралната молекула") е одговорна за довербата, емпатијата и другите чувства кои што помагаат во изградбата на едно стабилно општество.
TEDGlobal 2011
Одличниот раскажувач Малколм Гладвел ја раскажува приказната за Норден наведувачот на бомби, напредна технологија од Втората светска војна што довела до навистина неочекуван резултат.
TEDGlobal 2011
Инстинктивно чувствуваме дека нешто не е во ред во општествата со огромни разлики во приходите. Ричард Вилкинсон графички ги претставува поразителните податоци за економската нееднаквост и покажува што е тоа што се влошува кога разликата меѓу богатите и сиромашните е преголема: вистински ефекти врз здравјето, должината на животниот век, дури и врз така основни вредности како довербата.
TED2011
Писателот и дизајнер Греам Хил прашува: Дали поседувањето на помалку нешта, во помал простор, води кон поголема среќа? Тој го објаснува случајот со зафаќањето помалку простор и поставува три правила за менување на вашиот живот.
TEDGlobal 2011
Модерната медицина се наоѓа во опасност да ја изгуби моќната, старомодна алатка: човечки допир. Докторот и писател Абрахам Вергес го опишува нашиот чуден нов свет каде што пациентите се само база податоци, и повикува да се вратиме кон традиционалниот човек на човек физички преглед.
TEDxBoston 2011
Дали некогаш си имате играно со „Ngram Viewer“ на Гугл? Тоа е алатка од која станувате зависни и која ви овозможува да пребарувате зборови и идеи во база на податоци од пет милиони книги. Ерез Либерман Ејден и Жан-Батист Мишел ни покажуваат како функционира оваа алатка и ни демонстрираат неколку од изненадувачките работи кои можеме да ги научиме од 500 милијарди зборови.
TEDWomen 2010
Џоан Халифакс, будистички духовен водач, работи со луѓе кои се во последната фаза на животот (во болници и затвори). Соочувајќи се со смртта и гледајќи како умираат луѓето таа научила многу за сочувството. Овие поуки ги споделува со нас и истовремено длабоко проникнува во природата на емпатија.
TEDGlobal 2011
Во 2003 година, палестинското село Будрус организираше 10 месечен мировен протест за сопирање на градењето на бариера преку нивните насади со маслинови дрва. Дали слушнавте за ова? Така и си мислев. Бразилската режисерка Јулиа Бака прашува зошто во израелско-палестинскиот конфликт обрнуваме внимание само на насилството, а не и на мировните лидери кои еден ден можат да донесат мир.
TED2011
Психологот Филип Зимбардо прашува: "Зошто момчињата се мачат?" Тој споделува некои статистики (ниски оценки на училиште, поголеми грижи за интимноста и односите) и сугерира неколку причини - и Ве замолува за помош. Погледнете го неговиот говор, потоа пополнете ј неговата кратка анкета со 10 прашања: http://on.ted.com/PZSurvey
TEDWomen 2010
Животот на Ив Енслер, поетеса, писателка и активистка, се одвивал во нејзината глава. Во ова силно обраќање на TEDWomen, таа зборува за нејзината целовечна одвоеност од сопственото тело и за начинот на кој два шокантни настани ѝ помогнале да се поврзе со реалноста, со физичкиот дел на бидувањето човек.
TEDGlobal 2011
Биологот Марк Пејџел дава интересна теорија која говори за причините поради кои кај луѓето се развил јазикот. Тој сугерира дека јазикот претставува "социјална технологија" која што им овозможила пристап на првите човечки племиња до нова моќна алатка: соработката.
TEDGlobal 2011
Во нашиот сè побучен и побучен свет, како што вели експертот за звук Џулијан Трежер, "Го губиме нашето слушање." Во овој краток и фасцинантен говор, Трежер, споделува пет техники како да го истренирате вашиот слух за свесно слушање на другите луѓе и на светот околу вас.
TEDGlobal 2011
Зошто повеќе сакаме оригинална слика отколку копија? Психологот Пол Блум вели дека луѓето се есенцијалисти -- дека нашите верувања за историјата на одреден предмет влијаат врз тоа како го доживуваме истиот, не само како илузија, туку како длабока карактеристика на задоволството (и болката).
TED2011
Дали постои нешто што отсекогаш сте сакале да го направите, но... не сте го направиле? Мет Катс предлага: Пробајте го тоа во следните 30 денови. Овој краток и охрабрувачки говор нуди нов начин за поставување и постигнување цели.
TEDActive 2011
Дури и кога нашите животи изгледаат убаво однадвор, одвнатре може да постои свет на тивко страдање, што некои луѓе ги тера да се самоубијат. На TEDYou, ЏејДи Шрам нè замолува да ја прекинеме штамата за самоубиствата и за обидите за самоубиство, и да ги создадеме потребните ресурси за да им помогнеме на луѓето кои се обидуваат да се вратат во живот откако ја избегнале смртта.
TED@Cannes
Со користење на едноставни, забавни илустрации, дизајнерот Стефан Сагмајстер го споделува неговото размислување за среќата во последно време -- и за свесното и за несвесното. Неговите седум правила за живот и креирање на среќа може (со извесни прилагодувања) да ги примени секој кој сака повеќе среќа.
TED2005
Тери Мур дознал дека цел живот ги врзвувал врвките на погрешен начин. Во духот на TED, тој се качува на сцена за да сподели подобар начин за врзување. (Историска белешка: Ова првиот три минутен говор на сцената на TED одржан во 2005 година.)
TED2011
Во длабокиот, темен океан, многу морски суштества создаваат своја сопствена светлина за ловење, парење и самоодбрана. Експертот за биолуминесценција Едит Видер беше една од првите која го сними овој сјаен свет. На TED 2011 таа донесе некои од нејзините светкави пријатели на сцената, и покажа неколку неверојатни филмови за светлечкиот живот во длабочините на морето.
TED2011
Ron Gutman анализира серија на истражувања за смеењето, и открива некои изненадувачки резултати. Дали знаевте дека смеењето може да биде показател за тоа колку долго ќе живете - и дека една едноставна насмевка има значителен ефект на вас како битие? Подгответе се да размрдате неколку мускули на лицето и да научите повеќе за овој битен детал од животот.
TED2011
Запрашување: витално е за животот на Земјата, но воопшто не е забележано од човечкото око. Снимателот Луи Шварцберг ни го прикажува комплексниот свет на поленот и запрашувачите со неверојатни снимки од неговиот филм "Крилја на животот," инспириран од исчезнувањето на еден од најважните запрашувачи, пчелата.
TED2011
Дизајнерката Сузан Ли споделува искуство од своите експерименти за одгледување на материјал на основа од комбуха што може да се користи како материјал или растителна кожа за изработка на облека. Процесот е фасцинантен, резултатите се прекрасни (иако сеуште постои еден мал недостаток...), а потенцијалот што се наѕира е просто зашеметувачки.
TED2011
Програмерот Мајк Матас ја прикажува првата целосна интерактивна книга за iPad -- со можност за лизгање на видеоснимки и графика, како и многу интересно прикажани податоци. Книгата е „Нашиот избор“, продолжение на делото „Незгодна вистина“ од Ал Гор.
TED2011
Рик Елијас седел во првиот ред на Летот 1549, авионот кој се сруши во реката Хадсон во Њујорк, во јануари 2009 година. Што сè му минало низ главата додека авионот паѓал надолу? Na TED, за прв пат јавно тој ја раскажува својата приказна.
