TED2010
O innovador musical Andrew Bird xunta o súa característica técnica de violín con xilófonos, voces e a sofisticación electrónica do looping. Aprobeita a súa inusual habilidade para facer música e transformarse nun home orquestra.
TEDGlobal 2010
Cunha serie de inxeniosos chistes, Patrick Chappatte plantexa de forma conmovedora o poder dunha simple caricatura. Os seus proxectos no Líbano, no oeste de África e en Gaza mostran como, en boas mans, o lápis pode iluminar os temas máis serios e xuntar á xente máis dispar.
TEDxOilSpill
Despois do derramamento de petróleo no Golfo de México, Lisa Margonelli afirma que as moratorias en perforacións e as expulsións de executivos supoñen bos xestos teatrais, pero distraen a atención da cerna do asunto: o noso consumo ilimitado de petróleo. Ela comparte o seu ousado plan para desenganchar os Estados Unidos do petróleo, enfrontando ós consumidores co seu custo real.
TED@Cannes
A poboación mundial vai crecer ata os 9 mil millóns de persoas nos próximos 50 anos e só aumentando os niveis de vida dos máis pobres poderemos soportar este crecemento poboacional. Esta é a resposta paradóxica que Hans Rosling desvelou no TED@Cannes usando unha nova e colorida "tecnoloxía" para mostrar os datos (Xa o verás)
TEDxEast
Cocreadora das bolsas FEED filantrópicas, Ellen Gustafson di que a fame e a obesidade son dúas caras da mesma moeda. En TEDxEast lanza The 30 Project, un xeito de cambiar a forma en que cultivamos e comemos nos 30 anos vindeiros, e de resolver as desigualdades alimentarias mundiais que están detrás de ambas as epidemias.
TED2010
Mitchell Joachim, delineante urbano e membro de TED, presenta a súa visión dunha arquitectura sustentable e ecolóxica: residencias ecolóxicas obtidas a partir das plantas e, prepárense... da carne!
TEDIndia 2009
Normalmente, os trastornos de desenvolvemento nos nenos son diagnosticados mediante a observación do seu comportamento. Aditi Shankardass soubo que deberiamos observar directamente nos seus cerebros e explica como o sorprendente aparello EEG do seu laboratorio revelou erros nos diagnósticos, transformando así a vida dos nenos.
TED2010
Nesta conmovedora e divertida continuación da súa afamada disertación do ano 2006, Sir Ken Robinson defende un cambio radical de escolas estandarizadas cara á educación personalizada: a creación de condicións nas que as aptitudes naturais dos nenos podan medrar.
Mission Blue Voyage
Nesta charla o ecólogo de arrecifes de coral Jeremy Jackson, establece o estado de choque actual do océano: sobrepesca, aquecemento, polución, con indicadores de que as cousas van ir moito peor. Abraiantes fotos e estatísticas.
TED2007
O lendario escéptico James Randi toma no escenario unha dose letal de pastillas homeopáticas para durmir. Desta maneira, comeza unha crítica mordaz de 18 minutos ás crenzas irracionais. Proponlle un desafío a todos os médiums do mundo: demostra que o que fas é real e douche un millón de dólares. (Aínda non se atreveu ningún).
TED2010
A nena prodixio Adora Svitak di que o mundo precisa ideas "infantís": ideas simples, creatividade aloucada e especialmente optimismo. Di que os grandes soños dos nenos merecen grandes expectativas, comezando coa vontade dos adultos de aprender dos nenos tanto coma de ensinarlles.
TED2010
Robert Gupta, violinista da Orquestra Filarmónica de Los Ángeles, fala dunha lección que unha vez deu a un brillante músico esquizofrénico -- e do que el aprendeu. Máis tarde volve ao escenario para tocar a súa transcrición para o violín do Preludio de Bach para Chelo Suite Nº 1.
TED2010
O gañador do Premio TED, Jamie Oliver, tenta combater a nosa ignorancia sobre a alimentación compartindo connosco historias e testemuños reais recollidos no marco do seu proxecto contra a obesidade, desenvolvido na cidade de Huntington (Virxinia Occidental).
TEDMED 2009
Ata agora, segundo explica David Agus, o tratamento do cancro centrábase de xeito un tanto miope nas células agresivas individualmente. El propón un novo enfoque interdisciplinar, no que o uso de certos medicamentos inusuais, os modelos informáticos e a análise de proteínas nos permitirán tratar e analizar o corpo humano como un todo.
TEDIndia 2009
"Todo ten dúas caras", reza o dito. En 2 minutos e dende curisosas perspectivas, Derek Sivers demostra que o dito é verdade.
TEDIndia 2009
Nos países en vías de desenvolvemento, o acceso ás incubadoras é limitado debido ao seu custo e á distancia ao lugar onde se atopan, o que supón a morte de millóns de bebés prematuros cada ano. Jane Chen, membro destacado de TED (fellow), amósanos un invento que podería manter quentes a millóns destes bebés mediante un deseño que é seguro, portable, de baixo custo e salva vidas.
TEDMED 2009
O lugar onde vostede vive impacta na súa saúde tanto coma o fan a dieta e os xenes, pero non é parte do seu expediente médico. No TEDMED, Bill Davenhall amosa como os xeo-datos gobernamentais examinados (dende os índices dos ataques ao corazón locais ata a información dos vertedoiros tóxicos) pódense combinar coas aplicacións GPS móbiles para manter aos médicos ao día. Chamémolo "xeomedicina".
TEDxTC
Para atopar o camiño para unha vida longa e saudable, Dan Buettner e o seu equipo estudaron as "zonas azuis" no mundo, as comunidades nas que os anciáns viven con gran forza e vigor ata unha idade récord. En TEDxTC comenta os 9 hábitos máis comúns na dieta e estilo de vida que os manteñen en plena actividade máis alá dos 100 anos.
TEDIndia 2009
O neurocientífico Vilayanur Ramachandran bosquexa as fascinantes funcións das neuronas espello. Recentemente descubertas, estas neuronas permítennos aprender conductas sociais complexas, algunhas das cales son os alicerces da civilización humana tal e como a coñecemos.
TEDSalon 2009 Compassion
O imán Faisal Abdul Rauf combina as ensinanzas do Corán, as historias de Rumi e os exemplos de Mahoma e Xesús, para demostrar que só hai un obstáculo entre cada un de nós e a compaixón absoluta: nós mesmos.
TEDGlobal 2009
Un director de orquestra enfronta o reto definitivo do liderado: crear unha harmonía perfecta sen pronunciar unha palabra. Nesta engaiolante charla, Itay Talgam demostra os peculiares estilos de seis grandes directores do século XX para ilustrar leccións cruciais para todos os líderes.
TEDGlobal 2009
As nosas vidas e culturas están compostas por moitas historias superpostas. A novelista Chimamanda Adichie cóntanos a historia de cómo atopou a súa auténtica voz cultural e advirte que se só escoitamos unha única historia sobre outra persoa ou país arriscámonos a un malentendido.
TED2009
O neurólogo e escritor Oliver Sacks chámanos a atención sobre a síndrome de Charles Bonnet, condición en que os pacientes con dificultades visuais experimentan alucinacións lúcidas. El describe as experiencias dos seus pacientes con detalles conmovedores e guíanos a través da bioloxía deste fenómeno pouco descrito.
TEDGlobal 2009
As variedades de trigo, millo e arroz que medran na actualidade poden non prosperar nun futuro ameazado polo cambio climático. Cary Fowler introdúcenos nun gran banco de sementes mundial, soterrado debaixo dunha montaña xeada en Noruega, que almacena un grupo diverso de cultivos alimentarios polo que nos poida traer o futuro.
TEDGlobal 2009
Estamos nun intre único na historia, dí o Primer ministro do Reino Unido Gordon Brown:podemos usar a interconectividade de hoxe pra desenvolver unha ética global compartida e traballar xuntos pra enfrentarnos ós retos da pobreza, a seguridade, o cambio climático e a economía.
TED2009
Os asasinos psicópatas inspiraron algúns famosos programas de televisión, pero que é o que realmente os move a actuar? O neurocientífico Jim Fallon fala dos escáneres cerebrais e das análises xenéticas como medio para descubrir a sinistra orixe da natureza (e desenvolvemento) dos asasinos. Facendo un xiro demasiado estraño ata para a ficción, Fallon desvela unha fascinante historia familiar que fai que converte o seu traballo en arrepiantemente persoal.
TED2009
Sempre alguén lle pregunta ao profesor de matemáticas, "¿Usarei o cálculo algunha vez na miña vida?" E para a maioría de nós, tal como o propón Arthur Benjamin, a resposta é non. El ofrece unha proposta audaz para facer do ensino das matemáticas algo relevante nesta era dixital.
TED2009
Catherine Mohr, cirurxiá e inventora, repasa a historia da cirurxía e especialmente o seu pasado, previo ao descubrimento dos analxésicos e os antisépticos. Tamén amosa parte do instrumental cirúrxico máis innovador, empregado por destras mans robotizadas para operar a través de pequenos cortes. Fascinante, pero non apto para os máis aprensivos.
TED2009
Jay Walker explica por que dous mil millóns de persoas están a aprender inglés no mundo. Comparte fotografías e un audio arrepiante de miles de estudantes chineses repasando/ensaiando inglés ("a segunda lingua do mundo")
EG 2008
O economista condutual Dan Ariely, autor de *Prediciblemente irracional*, emprega ilusións visuais clásicas, e as súas propias achegas científicas contraintuitivas (e por veces sorprendentes), para amosar que non somos tan racionais como pensamos á hora de tomar decisións.
