TED2012
La mondo bezonas trinkeblan akvon. Pli kaj pli, oni produktas ĝin per marakva sensaligo. Sed kion fari kun la salsolva kromprodukto, kiu rezultas de la procezo? En tiom mallonga kiom interesa prelego, TEDano Damian Palin proponas novaĵon: ekstrakti el ĝi la mineralojn, kiujn ni bezonas, helpe de kunlaborantaj bakterioj.
TED2012
Ĉu vi scias kial la litero X reprezentas la nekonaton ? En tiu ĉi mallonga kaj amuza prelego, Terry Moore rivelas la surprizan respondon.
TEDxConcordiaUPortland
Uzitaj ĉiutage por sekigi niajn manojn, la paperajn mantukojn estas plejofte misuzitaj. En tiu lerniga kaj sprita mallonga prelego, Joe Smith rivelas la trukojn por perfekta mantuka sekigado. (Filmita en TEDxConcordiaUPortland)
TED2012
TED-ano Lucy McRae estas korp-arĥitekto - ŝi elpensas manierojn kunigi biologion kaj teĥnikaron en niajn korpojn. En tiu ĉi videble frapa prezentado ŝi montras sian verkaron, de vestaĵoj, kiuj respegulas la internaĵojn de la korpo por muzikvideo kun stelulino Robyn ĝis pilolo, kiu igas la englutinton ŝviti parfumon.
TED2012
Dum TED2012, Jack Choi montras kiel funckias interesega ilo por studentoj pri medicino: laŭskala ekrano aktivigita pertuŝe, kiu ebligas dissekci kaj kompreni la homan korpon.
TED2012
Kio estas la ŝlosilo por utiligi alternativan energion, kiel la sunan kaj ventan? Stokado, tiel ke ni povu havi energion je dispono eĉ kiam suno ne videblas kaj vento ne blovas. En ĉi tiu inspira kaj bonkomprenebla prelego Donald Sadoway montras per nigra tabulo la estontajn grandskalajn bateriojn kiuj stokos renoveblan energion. Kiel li diras: "Ni bezonas pripensi la problemon alimaniere. Ni bezonas pensi grandskale. Ni bezonas pensi malmultekoste"
TED2012
Taylor Wilson kredas, ke nuklea fuzio estas solvo por niaj estontecaj bezonoj, kaj ke junuloj povas ŝanĝi la mondon. Kaj li scias multon pri ambaŭ temoj: kiam li estis 14-jara li konstruis fuzian reaktoron en la garaĝo de liaj gepatroj. Nun 17-jara, li uzas TED-n por doni la mallongan version de lia rakonto.
TED2012
Humurverkisto Rob Reid klarigas pri Kopirajta Matematiko (TM), rimarkinda nova studokampo bazita sur la ciferoj de advokatoj kaj premistoj de la amuzindustrio.
TEDYouth 2011
Kevin Allocca estas mastrumisto pri tendencoj de YouTube kaj li havas profundajn pensojn pri stultetaj retaj videoj. En tiu ĉi prezentado ĉe TEDYouth (TedJunularo), li donas 4 kialojn por ke video fariĝu furora. (Tio ĉi estas la unua parolado afiŝita el mirinda TEDYouth-aranĝo. Multaj aliaj estos disponeblaj venontmonate kiel parto de la lanĉo de nia TED-Ed. Ni atendas senpacience...)
TEDGlobal 2011
La cira cilindro, difektita argilaĵo kovrita per kojnforma skribaĵo, konsistigas potencan simbolon pri religia toleremo kaj plurkulturalismo. En tiu fascina prelego, Neil MacGregor, direktoro de la Brituja Muzeo, eksponas 2600 jarojn de mezorienta historio per ununura aĵo.
TEDSalon London Fall 2011
Erik Johansson kreas realismajn bildojn de neeblaj scenoj -- kaptante ideojn, ne jenojn. En tiu ĉi sprita prelego, la sorĉisto de Photoshop priskribas la principojn kiujn li uzas por estigi ĉi tiujn mirindajn scenejojn, tamen plutenante ilin realismaj.
TEDxWomen 2011
Dum la nuna generacio, kromaj 30 jaroj aldoniĝis al nia atendata vivdaŭro -- kaj tiuj jaroj ne nur estas neglektindaĵo aŭ patologio. Ĉe TEDxWomen, Jane Fonda esploras kiel ni pritaksu ĉi tiun novan fazon de niaj vivoj.
TEDGlobal 2011
En Raĝastano, Hindujo, eksterordinara lernejo preparas gekamparanojn -- ofte ne legipovajn -- por iĝi sunenergia inĝeniero, metiisto, dentisto kaj kuracisto en sia propra vilaĝo. Ĝi nomiĝas Nudpiedula Fakultato, kaj ĝia fondinto, Bunker Roy, klarigas ĝian funkciadon.
TEDGlobal 2011
Artistino Jae Rhim Lee ĵetas imponan defion. Ĉu ni povas dediĉi niajn korpojn al pli pura, pli verda Tero, eĉ postmorte? Jes, dank'al nova enterigvesto impregnita de sporoj de poluado-vorantaj fungoj. Nu, jen eble la plej stranga TED-prelego, kiun vi iam spektos...
TEDGlobal 2011
Malpli ol 10% da plasta rubo estas reuzata -- kompare al preskaŭ 90% da metaloj -- pro la malsimplega problemo trovi kaj apartigi la malsamajn specojn. Frustrita de tiu malŝparo Mike Biddle evoluigis malmultekostan kaj nekredeble energiefikan fabrikon, kiu povas reuzi ĉian plaston kaj faras tion.
TEDGlobal 2011
Ĉiutage, novajn prisanajn konsilojn oni trovas en la gazetaro. Kiel certi, ĉu ili pravas? Ben Goldacre, kuracisto kaj epidemiologisto, fulmrapide montras kiel oni distordas pruvojn, kun ekzemploj el videble memevidentaj prinutradaj asertoj, kaj eĉ el la tre subtilaj ruzaĵoj de la farmacia industrio.
TEDGlobal 2011
Uzante tri iPodojn kiel magiajn rekvizitojn Marco Tempest disvolvas spritan kaj surprize profundan meditadon pri vero kaj mensogoj, arto kaj emocio.
TEDGlobal 2011
Kiamaniere ni trovas planedojn - eĉ loĝeblajn planedojn - ĉirkaŭ aliaj steloj? Serĉante malfortan malheliĝon kiam planedo pasas antaŭ sia suno, la TED-ano Lucianne Walkowicz kaj la misio Keplero trovis proksimume 1200 potencialajn novajn planedsistemojn. Per novaj teknikoj, ili eĉ povas trovi kelkajn kun taŭgaj kondiĉoj por vivo.
TEDGlobal 2011
Jam antaŭ 25 jaroj la unua komputila viruso (Brain A) trafis la reton, kaj tio, kio komence estis ĝeno, iĝis rafinita ilo por krimi kaj spioni. Mikko Hyppönen, eksperto pri komputila sekureco, klarigas al ni kiel ni povas malebligi al ĉi tiuj novaj virusoj minaci interreton kian ni konas ĝin.
TED2011
Ĉu estas io, kion vi ĉiam planis fari, volis fari, sed simple... ne faris? Matt Cutts proponas: provu ĝin dum 30 tagoj. Tiu ĉi mallonga, gaja parolado oferas elegantan manieron pensi pri starigo kaj atingo de celoj.
TEDWomen 2010
Irandevena artistino Shirin Neshat parolas pri la paradoksa kondiĉo de la ekzilita artisto, al kiu oni malpermesas vivi en la lando, kies voĉo li aŭ ŝi estas. Ŝia verko pririgardas Iranon antaŭ kaj post la islamisma revolucio, kaj sekvas politikajn kaj sociajn ŝanĝojn per atentokaptaj bildoj de virinoj.
TED2005
Terry Moore malkovris, ke li malĝuste laĉis siajn ŝuojn la tutan vivon. Konforme al la spirito de TED, li surscenejas por konigi pli bonan manieron. (Noto: tiu ĉi estas la unua 3-minuta prezentado iam farita sur la podio de TED, en 2005).
TED2011
Fiorenzo Omenetto komunikas pli ol 20 mirigajn novajn uzojn de silko, unu el la plej elegantaj naturaj materialoj -- en transsendo de lumo, plibonigo de daŭrigeblo, aldono de rezisto kaj estigo de medicinaj eblecoj. Surpodie li montras kelkajn interesegajn aĵojn faritajn el la pluruza materialo.
TED2011
Polenado: ĝi estas vivnecesa por la surtera vivo, sed apenaŭ vidata de la homa okulo. Filmfaristo Louie Schwartzberg montras al ni la kompleksan mondon de polenoj kaj polenantoj kun belegaj fulmrapidaj bildoj el sia filmo "Wings of Life" [Flugiloj de Vivo], inspirita de la malapero de unu el la plej gravaj polenantoj, la mielabelo.
TED2011
Dizajnistino Suzanne Lee parolas pri siaj provoj kreskigi teksaĵon faritan el kombuĉo, kiun ŝi povas uzi kiel kotono aŭ vegetaĵa ledo por fari vestaĵojn. La procezo estas fascina, la rezultoj, mirindaj (sed restas ja unu malavantaĝeto), kaj la eventualaj uzoj, vere mirfrapantaj.
TEDxDubai
Ĉe TEDxDubai, Patricia RYAN — longtempa instruistino pri la angla lingvo — starigas provokan demandon: Ĉu la tutmonda fokuso je la angla malhelpas la disvastigon de altvaloraj ideoj en aliaj lingvoj? (Ekzemple: Kio okazus, se Einstein estus devigata fari la TOEFL-ekzamenon?) Jen pasia defendo de tradukado kaj kunhavigo de ideoj.
TED2011
MIT-sciencisto Deb Roy klopodis kompreni, kiel lia infana filo lernis sian lingvon — tial li instalis videokameraojn en sia domo por surbendigi ĉiun momenton (kun esceptoj) de la vivo de sia filo kaj poste analizis 90 000 horojn de hejmaj videoj observante kiel "gaaaa" malrapide iĝis "water" (akvo). Miriga, datumplena esplorado kun profundaj konkludoj pri la progreso de nia lernado.
TEDWomen 2010
En tiu ĉi mallonga parolado, Arianna Huffington eldonas malgrandan ideon, kiu povas vekigi pli grandajn ideojn: la potenco de bona nokta dormo. Anstataŭ fanfaroni pri nia manko de dormo, ŝi urĝas nin fermi niajn okulojn kaj vidi pli ĝenerale: Ni povas dormi por pli da produktiveco kaj feliĉo -- kaj pli saĝa decidado.
TEDxRotterdam 2010
Ĉe TEDxRotterdam Bart Weetjens parolas pri sia eksterordinara projekto trejni ratojn por flare serĉi kontraŭpersonajn minojn. Li montras filmetojn pri siaj laborantaj "heroaj ratoj", kaj donas antaŭvidon pri sia plua laboro: instrui al ili trovi tuberkulozon en laboratorio.
TEDGlobal 2010
Marcel Dicke prezentas apetitvekan pledon pri la aldono de insektoj al ĉies dieto. Lia mesaĝo al naŭzemaj ĉefkuiristoj kaj frandemuloj: delikataĵoj kiel akridoj kaj raŭpoj konkuras kun viando laŭ gusto, nutreco kaj medirespekto.
