TED2011
Si Damon Horowitz ay nagtuturo ng kursong pilosopiya sa pamamagitan ng Prison University Project, kung saan inilalapit ang mga pangkolehiyong klase sa mga bilango ng San Quentin Prison. Sa maikling talumpating ito, ikinuwento niya ang isang karanasan tungkol sa pagpili ng tama o mali na biglang naging personal.
TEDGlobal 2011
Sa mas umiingay na mundo, sabi ng eksperto sa tunog na si Julian Treasure, "Nawawala ang ating pakikinig." Sa maikli at kawili-wiling talumpating ito, may 5 paraang ituturo si Treasure upang matuto tayong hasain ang ating pakikinig -- sa ibang tao at sa mundong ginagalawan.
TED2011
May bagay bang para talaga sa'yo, at gustong-gusto mong gawin... ngunit di mo pa sinusubukan? Payo ni Matt Cutts: subukan mo sa loob ng 30 araw. Handog ng maikling talumpating ito ang isang paraan upang abutin ang iyong mga minimithi.
TED2011
Isang de-kalibreng pagtatanghal ng biyolinistang si Robert Gupta at tselistang si Joshua Roman tampok ang "Passacaglia" ni Halvorsen para sa biyolin at byola. Gamit ni Roman ang kanyang tselong Stradivarius upang tugtugin ang parte ng byola. Tunay na nakamamanghang panooorin ang ugnayan ng dalawang musikerong ito (na nakabawi mula sa panandaliang pagtigil sa gitna ng kanilang pagtatanghal). Kapwa TED Fellows ang dalawa, at ang kanilang malalim na ugnayan ang nagpapaalab sa kabigha-bighaning duet na ito.
TED2011
Polinasyon: kailangan ito ng buhay sa mundo, ngunit hindi gaanong nakikita ng ating mga mata. Ipinakita sa atin ni Louie Schwartzberg, isang direktor, ang kakaibang mundo ng mga bulaklak at insekto sa pamamagitan ng mga kahali-halinang litratong high-speed mula sa kanyang pelikulang "Wings of Life," na kanyang ginawa dahil sa pagkaubos ng pangunahing insekto sa polinasyon, ang honeybee.
TEDPrize@UN
Ang ating kahulugan sa salitang "pakikiramay" -- na madalas iniuugnay sa mga santo at maawain -- ay iba sa tunay nitong kahulugan. Sa isang talumpati sa TEDPrize@UN, ipinaliwanag ng mamahayag na si Krista Tippett kung ano talaga ang ibig sabihin ng pakikiramay sa pamamagitan ng ilang makababagbag-damdaming kuwento, at iminungkahi ang bago at mas malawak na kahulugan ng salitang ito.
TEDGlobal 2010
Madalas ang una nating reaksyon matapos makapag-isip ng magandang plano ay sabihin ito sa iba, ngunit sinasabi ni Derek Sivers na makabubuting itago muna ito. Ipinakita niya ang ilang pananaliksik na nagsimula noon pang 1920s tungkol sa pagkahilig ikuwento ang mga layunin na madalas ay hindi natutupad.
TED2010
Sabi ni child prodigy Adora Svitak, kailangan ng mundo ang mga "isip-bata": mga mapangahas na ideya, malayang pagkamalikhain, at lalung-lalo na ang positibong pananaw. Marapat bigyang pagpapahalaga ang malalawak na pangarap ng kabataan, at ito'y masisimulan sa pagnanais ng mga matatanda na matuto mula sa mga bata kaalinsabay ng pagtuturo sa kanila.
TEDIndia 2009
"May kabaligtaran ang lahat," ayon sa isang kasabihan, at sa loob ng 2 minuto, ipapakita ni Derek Sivers na ito ay totoo sa paraang hindi mo inaasahan.
TEDIndia 2009
Matapos ang 2005, 15 na bahagdan lamang ng mundo ang naisamapa na. Dahil dito, mabagal ang pagbibigay-tulong matapos ang isang kalamidad -- at natatago ang potensyal pang-ekonomiya ng mga nakatiwangwang na lupa at nakatagong kalsada. Sa maikling talastasan na ito, ibinida ni Lalitesh Katraggada ng Google ang Map Maker, isang kagamitang pangguhit ng mapa na maaring gamitin ng kahit sinuman upang iguhit ang kanilang mundo.
TED2009
Laging may nagtatanong sa guro ng matematika, "Gagamitin ko ba ang calculus sa totoong buhay?" At para sa karamihan sa atin, ang sagot ay hindi. Naghahandog siya ng isang mungkahi kung paano gawing makabuluhan ang edukasyon ng matematika sa panahon ng digital.
TED2009
Ipinaliwanag ni Jay Walker kung bakit dalawang bilyong katao sa buong mundo ang gustong matutong mag-Ingles. Ibinahagi niya ang ilang litrato at nakakatawang audio ng mga Tsinong nag-aaral ng Ingles -- "ang pangalawang wika ng mundo".
TED2009
Inilahad ni Yves Behar at Forrest North ang Mission One, isang magarang motorsiklong de-kuryente. Ibinahagi nila ang kwento ng kanilang magkahiwalay (ngunit magkatulad) na kabataan at kung paano nagsimula sa pakikipag-ugnayan ang kanilang pagkakaibigan -- at ang kanilang pangarap.
TED2009
Napakahalaga ng "dismal science" sa talastasang ito, at tinataguyod ni Alex Tabarrok, isang ekonomista, ang malayang kalakalan at globalisasyon sa datiy' hati-hating mundo patungo sa iisang komunidad na malayang nagpapalitan ng mga ideya, na higit na malusog, masaya at masagana kaysa sa inaasahan natin.
TED2007
Ibinabahagi ni Adam Grosser ang tungkol sa proyektong pagbuo ng refrigerator na hindi ginagamitan ng kuryente, upang dalhin ang kagamitang ito sa mga barangay at paggamutan sa buong mundo. Sa kaunting pagkalikot ng makalumang teknolohiya, nailikha ang isang sistema na gumagana.
TED2007
Matapos magbigay ng talumpati tungkol sa kagilasan sa pisika, ang kamangha-manghang Murray Gell-Mann ay naghahandog ng pangkalahatang-ideya ng isa pang interes: ang paghahanap ng karaniwang ninuno ng ating mga makabagong wika.
TED2008
Sinusuri ng nobelistang si Amy Tan ang proseso ng paglikha, naghahanap ng tanda ng pagyabong ng sariling pagkamalikhain
TED2005
Bakit nagtatagumpay ang mga tao? Dahil ba sa talino? O sa suwerte? Wala sa dalawa. Pinaikli ni Richard St. John ang produkto ng napakaraming interview sa isang di pwedeng palampasing tatlong minutong slideshow tungkol sa totoong sikreto ng tagumpay.
TED2006
Gaya ng nakakatuwa at totoong pagpapahayag niya sa dokumentaryong An Inconvenient Truth, inisa-isa ni Al Gore ang 15 paraan na maari nating magawa sa pagtukoy sa krisis sa klima, simula sa pagbili ng hybrid na kotse hanggang sa paglikha ng bago at mas kaayaayang "pagkakakilanlan" sa global warming.
