TED Talks with Yue Chinese transcript

Dixon Chibanda: 點解我會訓練婆婆治療抑鬱症

TEDWomen 2017

Dixon Chibanda: 點解我會訓練婆婆治療抑鬱症
2,597,684 views

津巴布韋有一千六百萬人口,但係全國只有十二個心理醫生,而 Dixon Chibanda 係其中嘅一位。Chibanda 意識到佢嘅國家永遠冇可能有足夠資源用傳統方法醫治心理病。於是,佢搵到一個需要好少資源嘅妙法,就係婆婆。呢段講話非常出色且勵志,我哋可以從中了解到「友誼長櫈」呢個計劃,同佢點訓練婆婆學識用「循證談話療法」為有需要嘅人帶來關懷、希望。

Edsel Salvaña: 人類免疫缺陷病毒嘅危險進化

TEDGlobal 2017

Edsel Salvaña: 人類免疫缺陷病毒嘅危險進化
1,348,118 views

覺得我哋已經贏咗人類免疫缺陷病毒(HIV)?可能唔係,因為下一波抗藥性變異病毒浪潮即將到來。喺一場別開生面嘅 TED 演講中,TED 講者 Edsel Salvaña 講述強勁嘅 HIV AE 亞種正在肆虐佢嘅祖國菲律賓。佢警醒我哋輕易觸發一種全球性傳染病嘅可能因素。

何瑞怡: 中國優質食品嘅未來

TED2017

何瑞怡: 中國優質食品嘅未來
1,440,344 views

喺中國, 冇施化肥同殺蟲劑嘅新鮮食物好難得:2016 年,短短九個月間,中國政府就頒佈咗成百萬條食品安全條例。面對著食品安全同可持續食品資源嘅缺乏,TED 研究生何瑞怡成立咗中國首個網絡農貿市場,建立咗對殺蟲劑、抗生素、激素零容忍嘅體系。佢同我哋分享咗自己建立白手起家、為廣大家庭帶嚟本地有機食品嘅經歷。

Christian Rodríguez: 拉丁美洲嘅少女懷孕

TEDGlobal 2017

Christian Rodríguez: 拉丁美洲嘅少女懷孕
1,222,731 views
No Video

Christian Rodríguez 係一個攝影家和電影製片人 - 亦都係一個年輕媽媽個仔。喺過去五年,佢一直關注並紀錄著拉丁美洲少女懷孕嘅議題,創作出親密和有尊嚴嘅 12 歲媽媽們嘅畫像。喺呢段感人嘅影片中,Christian除佐分享佢嘅作品,亦都同大家探討佐母親嘅責任,係如何令到年輕女仔深陷貧窮和剝削嘅循環中。

OluTimehin Adegbeye: 城市屬於邊個?

TEDGlobal 2017

OluTimehin Adegbeye: 城市屬於邊個?
2,446,928 views

當政府要起大城市嘅時候,窮人經常最先被迫離開。OluTimehin Adegbeye 喺呢場令人感動嘅演講裡邊,詳細講明尼日利亞政府為咗起「新杜拜」而帶頭非法霸佔土地, 以致摧毀尼日利亞拉哥斯沿海社區數以千計居民嘅生活。佢認為一個城市嘅市民同政府都要為自己嘅城市負責。佢話:「無論每一個人點樣都好,第時建造嘅城市,或者未來行嘅路,都必須照顧到每一個人。」

Niki Okuk: 工人擁有公司時,經濟變得更加頑強

TEDxCrenshaw

Niki Okuk: 工人擁有公司時,經濟變得更加頑強
1,262,890 views

另一種經濟現實係有可能嘅——一種珍惜社區、有持續性同適應性,而唔係不擇手段咁取得盈利嘅經濟現實。Niki Okuk 分享佢對合作經濟嘅主張,同分享一個勞工階層人士點樣能夠組織同擁有員工擁有制嘅企業,為自己作出決定,享受勞動成果。

Adam Alter: 點解觸屏產品會令我哋唔開心

TED2017

Adam Alter: 點解觸屏產品會令我哋唔開心
3,737,315 views

我哋嘅觸屏產品同埋設備對我哋有咩影響?心理學家 Adam Alter 研究觸屏產品偷走我哋幾多時間,同埋偷走嘅方式。佢解釋咗點解我哋花費喺智能手機、平板或者台式電腦嘅時間會令我哋鬱悶,同埋我哋應該點樣應對。

Sinead Burke: 點解設計係每個人嘅事?

TEDNYC

Sinead Burke: 點解設計係每個人嘅事?
1,435,325 views

Sinead Burke 敏銳地察覺到我哋好多人基本上睇唔到嘅細節。對於身高 105 公分(或 3 呎 5 吋)嘅佢嚟講,被設計嘅世界——從門鍞嘅高度到提供鞋尺碼範圍——往往抑制住佢自主能力。佢係今次嘅講堂上會講一名矮個子闖蕩世界究竟係點樣嘅體驗畀我哋聽,並問道:「我咃設計究竟冇考慮到邊個呢?」

Sara Ramirez: 過山車

TED Talks Live

Sara Ramirez: 過山車
1,132,926 views

Sara Ramirez 係一個多才多藝嘅歌手,作曲家同演員。由 Michael Pemberton 吉他伴奏,Ramirez 現場演唱嘅歌曲“過山車”唱出了人生嘅機遇,智慧同高低起伏。

Grady Booch: 人工智能,使乜驚啊?

TED@IBM

Grady Booch: 人工智能,使乜驚啊?
2,866,438 views

新科技帶嚟新憂慮。科學家兼哲學家 Grady Booch 同我哋講,高智能又冷漠無情嘅人工智能使乜驚啊。 Grady Booch 叫我哋唔好先入為主俾啲科幻片嚇親,並解釋人類會點樣教育,而唔係編寫,令人工智能擁有人類嘅價值觀。與其對無可能發生嘅事擔心,不如諗下人工智能將會點樣提高人類嘅生活質素。

Sue Klebold: 我嘅仔係科倫拜高中槍擊案凶手,而呢個係我嘅故事

TEDMED 2016

Sue Klebold: 我嘅仔係科倫拜高中槍擊案凶手,而呢個係我嘅故事
10,022,839 views

Sue Klebold 係迪倫.克萊伯德嘅媽媽。迪倫係科倫拜高中槍擊案嘅兇手之一,殺咗 12 名學生同 1 名老師。Sue Klebold 用咗幾年嘅時間回憶家庭生活嘅細節,試著去了解佢當年到底可以做咩先可以防止個仔嘅暴行。Sue Klebold 嘅呢場演講難以開口嘅演講裡邊,探討咗精神健康同暴力行為嘅交匯點,仲向家長同專業人士倡導要繼續研討有關自殺念頭嘅嘢。

Ashley Judd: 針對女性嘅網路欺凌越演越烈

TEDWomen 2016

Ashley Judd: 針對女性嘅網路欺凌越演越烈
1,852,457 views

受夠網路仇恨言論、性騷擾同針對女性同非主流群體嘅暴力威脅,係時候對全球網路欺凌鄭重其事。Ashley Judd 因為堅持一貫嘅運動路線,呼籲廣大網民、科技界、執法部門同議員認識網上騷擾對現實帶嚟嘅危害,惹嚟喺社交媒體持續被人恐嚇。 Ashley Judd 喺呢場演說裏面細數佢嘅經歷,論述都係鏗鏘有力。 (警告︰本篇演講內容露骨同涉及性暴力,只適宜成人收看)

Sam Kass: 想小朋友讀書好?餵飽佢哋先

TED Talks Live

Sam Kass: 想小朋友讀書好?餵飽佢哋先
1,687,691 views

如果我哋嘅小朋友肚餓或者食嘅嘢冇營養、糖分過高,我哋點可以希望佢哋可以好好讀書?前白宫厨師、食物政策制定者 Sam Kass 討論學校除咗培育學生嘅心靈、仲可以喺培育學生身體方面扮演嘅角色。

Steven Johnson: 音樂與現代電腦發明嘅淵源

TED Studio

Steven Johnson: 音樂與現代電腦發明嘅淵源
1,351,401 views

需求係發明之母,唔係咩?之但係,呢個其實唔係鐵律。Steven Johnson 話畀我哋知,最具改革性嘅諗法同科技,好似電腦,根本就唔係因為需求而誕生,而係因為玩樂而誕生。當你了解完呢段發明史之後,你就可以同人講解啦,兼且從啲人得到最多樂趣嘅地方睇得到未來。

Jen Brea: 如果你患咗一種醫生診斷唔到嘅病,咁會點?

TEDSummit

Jen Brea: 如果你患咗一種醫生診斷唔到嘅病,咁會點?
2,042,782 views

五年前, TED 研究生 Jen Brea 因為肌痛性腦脊髓炎,亦即係慢性疲勞症候群,而病咗一段時間。呢個病嚴重妨礙患者嘅正常活動,甚至可能連床單嘅摩擦聲都忍受唔到。呢場演講講述 Jen Brea 喺尋求治療時遇過嘅困難(佢呢個病至今我哋都未完全了解根本嘅病因同埋對生理方面嘅影響),同埋講佢有一個使命,想用紀錄片紀錄嗰啲因為醫學醫唔到嘅病人嘅生活。或者,呢場演講會打動到你。

Wanis Kabbaj: 無人駕駛嘅世界會係點樣

TED@UPS

Wanis Kabbaj: 無人駕駛嘅世界會係點樣
3,972,315 views

假如街上嘅車流好似血管裡面嘅血液咁流暢又高效嘅話會點?運輸迷Wanis Kabbaj覺得我哋可以從我哋嘅生物天賦入面搵靈感,嚟設計未來嘅運輸系統。喺呢一場前瞻性思維嘅演講入面,我哋可以預覽令人興奮嘅概念,比如話組裝式可分離嘅巴士,空中的士以及磁懸浮車艙網絡,可能會將動態無人駕駛世界嘅夢想變成現實。

John McWhorter: 學習新語言嘅四大原因

TED2016

John McWhorter: 學習新語言嘅四大原因
4,156,451 views

今時今日,英文迅速發展成世界通用語言,而即時翻譯技術亦都有顯著提高。點解要學習新語言呢?語言學家、哥倫比亞教授 John McWhorter 特爲我哋介紹咗四個學習新語言嘅原因。

Sam Harris: 我哋可唔可以完全掌控人工智能?

TEDSummit

Sam Harris: 我哋可唔可以完全掌控人工智能?
5,024,015 views

怕超級人工智能?神經學家同哲學家 Sam Harris 話畀你知你應該要怕,而且唔單止係口講嘅怕,仲要實在嘅怕。Sam Harris 話人類將要開發比人類仲犀利嘅機器,但係人類仲未處理好一啲帶嚟嘅問題,包括機器有可能會以我哋對待螞蟻嘅方式對待我哋。

James Veitch: 取消訂閱嘅苦惱

TEDSummit

James Veitch: 取消訂閱嘅苦惱
21,478,160 views

我哋每個人都試過取消訂閱唔想要嘅推廣電郵,但幾日後又收到同一間公司嘅另一個推廣電郵。全因一間本地超市唔肯講唔做,喜劇演員 James Veitch 成功將呢個煩惱變成幽默,亦令到有趣嘅事陸續有嚟。

Rainn Wilson: 值得一試嘅諗法

TED Studio

Rainn Wilson: 值得一試嘅諗法
938,687 views

孤獨係有代價嘅。想搵返寄託?睇下 Rainn Wilson(美劇《辦公室》嘅演員,亦係本片嘅主角)點將 TED.com 上面一啲最好嘅諗法吸收,同時發掘你最鍾意嘅大想頭。

Sarah Parcak: 用衛星追尋秘魯失落嘅文化

TEDSummit

Sarah Parcak: 用衛星追尋秘魯失落嘅文化
1,173,967 views

喺世界各地,成千上萬嘅古遺址被淹沒喺塵土之中,消失於世人視野之外。衛星考古學家 Sarah Parcak 決定要搶喺掠奪者嚟到之前搵到呢啲遺跡。身為 2016 年 TED 大獎嘅得獎者,Sarah Parcak 正喺度建立一個叫做 GlobalXplorer 嘅網上公民科學平台。呢個平台可以喺全世界招募義工,幫手去搵同埋保護世界隱藏嘅遺跡。喺演講度,佢講到佢哋第一個會探索嘅地方︰秘魯,亦即係馬丘比丘嘅故鄉、納斯卡線條、同其他等住人哋去發現嘅考古奇觀。

Suzanne Simard: 樹同樹之間點樣傾偈嘅

TEDSummit

Suzanne Simard: 樹同樹之間點樣傾偈嘅
4,161,601 views

生態學家 Suzanne Simard 話:「森林絕對唔止係你睇到嘅咁樣。」佢嘅進行咗 30 年嘅研究證明咗一個令人震驚嘅結論:樹木之間會講嘢,非常之頻繁,仲做長距離交流。了解更多嘅樹木之間和諧又復雜嘅社會生活,用新嘅眼光嚟睇自然世界。

Gerard Ryle: 巴拿馬文件帶嚟空前洩密

TEDSummit

Gerard Ryle: 巴拿馬文件帶嚟空前洩密
1,077,388 views

Gerard Ryle 領導一支國際隊伍公開巴拿馬文件,當中涉及巴拿馬嘅莫薩克 · 馮賽卡律師事務所過去 40 年 1,150 萬份文件,令我哋有機會睇得到海外金融秘密世界嘅規模同規則。呢個演講講到咗事件背後新聞界史上最大嘅合作。

Adam Savage: 我愛上咗一個女仔,佢個名,叫動漫角色扮演

TED2016

Adam Savage: 我愛上咗一個女仔,佢個名,叫動漫角色扮演
2,863,974 views

Adam Savage 會搞創作同埋設計實驗。佢仲會利用服裝令到敍述嘅故事更加幽默、繽紛多彩同埋清晰。回憶起佢一世對服裝嘅愛——由童年用雪糕紙桶做太空頭盔,到動漫展著住無面男服裝——佢一直都喺度探索角色扮演嘅世界同埋角色扮演所象徵嘅意義。佢總結話︰「我哋內心深處一直有啲重要嘅嘢,而服裝就係帶出我哋內心嘅嘢畀人。」