TED Talks India: Nayi Baat
Во Индија (и многу други држави), девојките и жените сѐ уште молчат пред традиционалните правила на учтивост и воздржаност, вели Дипа Нарајан, научничка по социјални науки. Во овој искрен и непосреден говор, таа идентификува седум длабоко врежани норми кои ја зајакнуваат нееднаквоста - и ги повикува мажите да помогнат во промената.
TED@BCG Mumbai
Што настанува кога луѓето и роботите прават уметност заедно? Во овој воодушевувачки говор, уметничката Сугвен Чунг ни покажува како го „предала" нејзиниот уметнички стил на машина - и ги споделува резултатите од нивната соработка по доаѓање до неочекувано откритие: и роботите грешат. „Убавината на човечките и машинските системи делумно се должи на нивната суштинска, заедничка грешност"- вели таа.
TEDSummit 2019
„Секој треба да учествува во донесување одлуки и во политика, а тоа започнува дома“, вели активистката Хаџер Шариф. Таа претставува едноставна, но сепак преобразувачка идеја: родителите можат да им пренесат знаење за политика на децата со тоа што ќе им дозволат да учествуваат во управувањето со домаќинството, преку спонтани фамилијарни состаноци каде секој може да го искаже своето мислење, да преговара и прави компромис. „Мора да ги научиме луѓето дека политичките, националните и глобалните работи се исто толку релевантни колку личните и семејните работи,“ вели таа. „Дали можете да си дозволите да не бидете заинтересиран или да не учествувате во политика?“
TED2019
Виктор Весково ја предводи првата експедиција до најдлабоката точка на секој од петте светски океани. Во разговор со кустосот на науки при ТЕД, Дејвид Биело, Весково дискутира за технологијата што ги овозможува истражувањата - подводно пловило од титаниум замислено да издржи необични услови - и ни покажува снимка од никогаш порано видено суштество, која била направена при неговото патување до дното на Индискиот Океан.
TED2019
Помалку од 13 проценти од полицајците во Соединетите Држави се жени - и покрај тоа што покажале ефикасност во смирување на насилни ситуации и ја намалиле употребата на сила. Ивон Роман, соработничка на ТЕД, со нејзиното полициско искуство во период од две децении, споделува како може едноставната промена во физичките тестови за кондиција на полициската академија да создаде балансирана сила од која ќе имаат еднакви придобивки и заедниците и полицијата.
TED2019
Од орки што тагуваат до потресени слонови, биолошкиот антрополог Барбара Џеј Кинг е сведок на тага и љубов низ животинскиот свет. Во овој инспиративен монолог, таа ги образложува доказите во основата на нејзините верувања дека многу животни се способни за комплексни емоции, и сугерира начини на кои би можеле да ги третираме подобро - вклучително и секој пат кога јадеме. “Животните не тагуваат како нас, но ова не значи дека нивната тага не постои,“ - вели таа. Таа постои, и е интензивна, и можеме да ја видиме ако посакаме.“
TED2019
Плакарот на Даниел Лисмор е веројатно малку поразличен од вашиот -- неговите алишта се изработени од необични материјали, од лименки пиво и пластични кристали, па се’ до дијаманти, кралска свила и Римски прстени коишто се стари 2000 години. Во овој впечатлив говор Лисмор ја споделува визијата што лежи во основата на неговите сложени костими и анализира како е да се живее животот како уметничко дело. "Секој е способен да си создаде сопствено ремек дело," вели тој. "Треба некогаш да пробате."
TED2019
Пријателот на TED и астроном, Ерика Хамден, го води тимот кој го гради „Фајербол“, телескоп кој виси од огромен балон на самиот раб од вселената и бара индиции за тоа како се создадени ѕвездите. Таа не’ води низ бурното, 10-годишно патување за тоа како идејата за телескопот да се претвори во реалност и покажува како неуспехот е неизбежен кога се поместуваат границите на знаењето.
TED2019
Во внатрешноста на галаксијата оддалечена 55 милијарди светлосни години, постои супер масивна црна дупка со маса од неколку милјарди сонца. Сега, за првпат можеме да ја видиме. Астрофизичарот Шепард Доелман, раководител на Ивент Хорајзон Телескоп зборува со претставникот на ТЕД, Крис Андерсон за првата слика некогаш направена од црна дупка и за долготрајниот, заеднички труд вложен во создавањето на сликата.
TED2019
Новинарката Керол Кедваладер во својот впечатлив говор навлегува во настани од поново време кои предизвикаа вчудоневиденост: тесната победа на референдумот во Британија во 2016 за излез од Европската Унија. Таа ги проследува резултатите од бројните лажни реклами на Фејсбук чија целна група биле лесно убедливите и неодлучни гласачи за Брегзит и ги поврзува со истите целни групи и тактики во претседателските избори во САД, во 2016. Новинарката Кедваладер ги повикува „боговите на силициумската долина“ укажувајќи им дека се на погрешната страна на историјата и го поставува прашањето: Дали слободните и фер избори се дел од минатото?
TEDxBoulder
Фил Плеит бил дел од тимот на астрономи на Хамбл Вселенски Телескоп кој мислел дека ја направиле првата непосредна слика од егзопланета. Но, дали доказите ја поткрепиле нивната претпоставка? Проследете го објаснувањето на Плеит за тоа како се одвива научната работа- низ многубројни грешки и исправки. „Цената на научната работа е да се признае кога грешите, но довивката е најдоброто можно нешто: знаење и разбирање“-вели тој.
TED Residency
Сами Нур Јунес е активист за правата на трансродови лица и гостин на ТЕД. Тој споделува една значајна и со векови долга историја на транс заедницата исполнета со одважност, инспиративна триумфалност и борба за човекови права, борба која трае долго време. „Замислете, како би разговарале кога би признале колку долго време транс луѓето се борат за еднаквост“ - вели тој.
TED Residency
Глен Кантаве со примена на дигитална технологија ги нагласува приказните на угнетените. Преку серија на визуелни проекти, тој го споделува својот труд со тимот на Movers and Shakers (Муверс енд Шејкерс) од Њујорк, здружение кое спроведува непосредни активности и поддржувачки кампањи за маргинализираните заедници, користејќи технологии за виртуелна и збогатена реалност, како и креативна уметност.
TED Salon Brightline Initiative
Сакате да научите нов јазик, но тоа ви изгледа страшно или не знаете од каде да почнете? Не ви е потребен посебен талент, или "јазичен ген," вели Лидија Махова. Во овој инспиративен говор, таа ја открива тајната на полиглотите (луѓе кои зборуваат неколку јазици) и споделува четири принципи кои ќе ви помогнат да го пронајдете вашиот скриен талент за јазици -- и како да се забавувате додека го правите ова.
TEDWomen 2018
Како всушност функционира родот? Не се само хромозомите, вели биологот Кариса Санбонматсу. Во својот визионерски говор, таа споделува нови откритија од областа на епигенетиката, научна гранка која го проучува начинот на кој дејството на ДНК може трајно да се измени под влијание на социјални фактори како трауми или начин на исхрана. Дознајте како животните искуства влијаат на гените и што значи тоа за да се разбере концептот на родот.
We the Future
"Живееме во свет кој е извонредно блиску до моментот во кој ќе се осигураме дека нема да има повеќе смрт поради глад, маларија или дијареа," вели економистот Мајкл Грин. Во 2015-та година, Обединетите Нации, со цел да го забрзаат напредокот, изготвија збир од 17 цели за значајни фактори како што се здравје, образование и еднаквост. Во овој говор богат со податоци, Грин ја споделува својата анализа за напредокот кој земјите го имаат (или немаат) направено за да ги остварат Целите за одржлив развој -- и нуди нови идеи во однос на тоа што треба да се промени за да ги достигнеме целите.
We the Future
Подучен од историскиот модел наречен „Замката на Тукидид“, политикологот Грем Елисон ни прикажува на кој начин подемот на Кина и доминантноста на Америка можат да доведат до жесток судир кој никој не го посакува и како да се повикаме на здравиот разум и храброста за да го избегнеме истиот.
TEDxUniversityofNevada
Сакате да да напредувате во вашата кариера? Почнете со тоа што ќе сте љубезни со колегите, вели Кристин Порат која истражува во доменот на лидерство. Во нејзиниот научно поткрепен говор, таа споделува интересно видување за цената на нељубезноста и покажува како малите гестови на почит можат да го поттикнат вашиот професионален успех и профитот на вашата компанија.
TED@UPS
Зошто мораме да бираме помеѓу национализмот и глобализмот, помеѓу љубовта кон сопствената земја и грижата за светот? Ванис Кабај, во својот говор упатен кон определените националисти и глобалисти, објаснува на кој начин можеме да го отфрлиме ова подвоено размислување и притоа да бидеме горди и на својата земја и на светот.
TEDGlobal 2017
„Повеќето од Африканските земји се сиромашни од една едноставна причина“- вели претприемачката Магатте Вејд. „Владите имаат создадено премногу пречки за отпочнување и водење бизнис. Во нејзиниот страсен говор, Вејд ги поставува предизвиците на деловното работење на континентот и нуди свои решенија - истовремено ги повикува лидерите да го дадат нивниот удел.
TED2018
Се проценува дека до 2050-та на земјата ќе има десет милијарди луѓе. Како ќе успееме да ги обезбедиме основните потреби и притоа да ги избегнеме најлошите последици од климатските промени? Во својот умен и мудар говор, Чарлс С. Ман, ги објаснува предложените решенија и ни открива дека одговорите се кај двата табори: волшебници и пророци. Истовремено, тој дава сопствено видување за најдобриот начин за опстанок.
TED2018
Какво е чувството да се открие галаксија - и да се именува по Вас? Астрофизичарот и стипендист на TED Бурчин Мутлу-Пакдил преку краток говор ни го споделува изненадувачкото откритие на нејзиниот тим - нов, мистериозен вид на галаксија.
TED2018
Од сите проблеми со кои се соочува човештвото, на кој би требало најпрво да се фокусираме и да го решиме? Во убедливиот говор за тоа како да го направиме светот подобар, моралниот филозоф Вил МакАскил ни дава рамка за одговор на ова прашање врз основа на филозофијата на ,,ефективен алтруизам,, - и споделува идеи за фокусирање на три најкритични прашања.
TED2018
Писателот и уметник Џејмс Бридл открива еден мрачен, чуден агол на Интернетот, каде непознати луѓе или групи на Јутјуб ги хакираат мозоците на малите деца, со цел да остварат приходи од реклами. Видеата со „киндер јајца“, песната за "Семејството Прсти" и алгоритмички создадените мешавини на познати ликови од цртаните филмови во насилни ситуации, ги искористуваат и преплашуваат младите умови. Истовремено ни укажуваат каде е тргнато нашето општество предводено од податоци. "Не треба да ја гледаме технологијата како решение на сите наши проблеми, туку како водич при идентификување на тие проблеми, за да можеме да започнеме соодветно да ги разгледуваме и да дејствуваме", вели Бридл.
TEDWomen 2017
Во светот постојат околу 7.000 живи јазици и сите имаат различни гласови, зборови и структури. Но, дали тие влијаат на начинот на кој размислуваме? Лера Бородитски, когнитивен научник, ни дава примери почнувајќи од јазикот на Абориџините во Австарлија во кој се користат страните на светот наместо зборовите „лево“ и „десно“, сè до многубројните зборови за „сино“ во рускиот јазик, што укажува дека одговорот е јасно и гласно „ДА“. „Убавината на јазичната разноврсност е тоа што таа ни ја открива генијалноста и флексибилноста на човечкиот ум,“ -вели Лера Бородитски. „Човечкиот ум има создадено не еден, туку 7000 когнитивни универзуми.“
TED@Westpac
Како да најдеме исполнетост во светот изложен на постојани промени? Рејмонд Танг се измачувал со ова прашање до мигот кога случајно наидува на старата кинеска филозофија на Тао Те Џин. Во неа, тој го наоѓа патот низ кој ја споредува добрината со водата-идеја која почнува да ја применува во секојдневниот живот. Во неговиот симпатичен говор, Рејмонд споделува три лекции кои ги научил од „филозофијата на водата“. „Што би направила водата? Моќта на ова едноставно прашање направи позитивни промени во мојот живот“-вели тој.
TEDWomen 2017
Ако се оствари тоа што го вели Џон Кери, архитект и писател, жените нема да чекаат во бесмислено долгите редици пред тоалетите. Овие редици се показатели на многу посериозни состојби. Кери вели:„Недостатокот на разновидност во проектите води кон создавање бесмислен, бесчувствителн простор. Проектот ја има ретката способност да облагородува и да ги прави луѓето да се чувствуваат вредни, почитувани и забележани-но спротивната страна е истотака вистинска. Кери ги повикува архитектите и проектантите да ги прошират своите професионални рамки и да се посветат на давање услуги за јавно добро, не само за привилегираните.
TEDWomen 2017
Психологот Сузан Дејвид го споделува со нас начинот на кој нашите емоции обликуваат сè што има значење за нас : нашите постапки, кариерата, врските, здравјето и среќата. Во нејзиниот моќен, длабоко трогателен и духовит говор таа се повикува на една култура во која се цени позитивноста наместо емоционалната вистина и притоа ги разгледува моќните стратегии на емоционалната агилност. Говор кој треба да се сподели!
TED Residency
Како родители имаме обврска да ги подучуваме нашите деца за сексот. Но освен лекциите кои теоретски ја обработуваат биологијата и репродукцијата, би требало и да им покажеме колку е важно да бидеш свесен за своето тело. Претставувајќи го „Говорот 2.0“, Сузан Џеј Џонсон ни покажува како да ги научиме нашите деца да бидат во допир со своите чувства и како да ги научиме на јазик преку кој ќе ги искажуваат своите желби и емоции - без да бегаат од нив и да ги потиснуваат.
TEDWomen 2017
Џастин Балдони почнува дијалог со мажите за редефинирањето на мажественоста, за да открие како да се биде не само добар маж туку и добар човек. Во своjот топол, личен говор, тој зборува за сопствениот напор да ја усогласи својата вистинска личност на маж со личноста која општеството му ја наметнува. Балдони во своето обраќање ги предизвикува мажите :„ Видете дали можете да ги употребите особините кои сметате дека ве прават мажи за да се нурнете подлабоко во себе“ . Тој вели:„ Вашата сила, храброст и вашата жилавост. Дали сте доволно храбри да бидете ранливи? Дали сте доволно силни да бидете чувствителни? Дали имате довоно доверба да ги слушнете жените во вашиот живот?“
