TED Talks with Mongolian transcript

Симон Гертс: Яагаад ямар ч хэрэгцээгүй зүйлс хийх хэрэгтэй гэж?

TED2018

Симон Гертс: Яагаад ямар ч хэрэгцээгүй зүйлс хийх хэрэгтэй гэж?
3,465,638 views

Энэхүү хөгжөөнтэй, чин сэтгэлээ дэлгэсэн илтгэлд Симон Гертс өөрийн хийсэн хачин жигтэй машинуудын үзүүлэнг хуваалцлаа: хэрэгцээгүй машинууд. Түүний бүтээлүүд болох ногоо хэрчигч, үс тайрагч, уруулын будаг түрхэгч гэх мэт зүйлс бараг л амжилттай болж байгаагүй зүйлс. Гэхдээ амжилтгүй болох нь гол зорилго нь байсан юм. "Энэ л миний хувьд хэрэгцээгүй зүйл хийхийн гайхамшиг юм. Яагаад гэвэл чи үргэлж хамгийн оновчтой хариултыг мэдэж байх албагүй гэдгээ хүлээн зөвшөөрнө. Энэ нь хорвоо ертөнц ямар байх ёстойг дотроос чинь хэлдэг тэр дуу хоолойг чимээгүй болгодог. Шүд угаагч дуулга хариулт нь биш ч гэлээ та ядаж л асуудлыг яаж шийдэх вэ гэж асуулт асууж чадаж байна." гэж Симон Гертс хэлсэн.

Жэйсон Шен: Ажил хайж байна уу? Туршлага биш чадвараа харуул.

TED Residency

Жэйсон Шен: Ажил хайж байна уу? Туршлага биш чадвараа харуул.
3,768,300 views

Бидний цөөн хувь нь их сургуульд суралцсан мэргэжилтэйгээ шууд холбоотой ажил эрхэлж байна. TED резидент Жэйсон Шен биологич мэргэжилтэй хэдий ч технологийн компанид бүтээгдэхүүний менежер хийдэг. Хүний нөөц бололцооны талаарх богино боловч сонирхолтой илтгэлдээ тэрээр ажил хайж буй хүмүүс өөрсдийгөө хэрхэн харуулах болох ажил олгогчид ур чадварыг илүүд үзэх хэрэгтэй талаар өөрийн бодлыг хуваалцлаа.

Вэнди Сүзүки: Тархийг өөрчилж чадах дасгал хөдөлгөөний ашиг тус

TEDWomen 2017

Вэнди Сүзүки: Тархийг өөрчилж чадах дасгал хөдөлгөөний ашиг тус
8,225,245 views

Та өнөөдөр тархиа хамгийн үр дүнтэй байдлаар хэрхэн өөрчилж чадах вэ? Дасгал хөдөлгөөний ачаар өөрчилж чадна гэдгийг тархи судлаач Вэнди Сүзүки хэлж байна. Дасгал хөдөлгөөн хийх нь сэтгэл санааг өөдрөг болгож, ой санамжийг сайжруулан, Альцгеймер гэх мэт марталтын өвчнөөс сэргийлдэг тухай Сүзүкигийн илтгэлээс фитнес рүү зүглэх урам зоригоо олж аваарай!

Мэрили Оппеззо: Илүү бүтээлч баймаар байна уу? Алхаад үз.

TEDxStanford

Мэрили Оппеззо: Илүү бүтээлч баймаар байна уу? Алхаад үз.
3,727,050 views

Шинэ санаа олохыг оролдох үедээ гацчихаж байсан л биз дээ. Зан байдлын судлаач Mэрили өөрийн судалгаагаар суудлаасаа босоод бага зэрэг алхахад л бүтээлч санаа ундардаг болохыг олж мэджээ. Энэхүү хөгжилтэй, богино илтгэлдээ тэрээр тархиа ажиллуулахад алхах хэрхэн тус болдог талаар тайлбарлалаа.

Атул Гавандэ: Ямар нэгэн зүйлд гаршмаар байна уу? Дасгалжуулагчтай бол

TED2017

Атул Гавандэ: Ямар нэгэн зүйлд гаршмаар байна уу? Дасгалжуулагчтай бол
3,174,731 views

Хүн хэцүү нөхцөлд өөрийгөө хэрхэн сайжруулах вэ? Атул Гавандэ мэс засалч хүнийхээ зүгээс энэ тухай судалжээ. Тэрээр сайн зааварлагч буюу дасгалжуулагчтай байснаар бид юмны бодит байдлыг заалгаж, эерэгээр бодон сурч, юмыг нэг бүрчлэн хянаж, хийж дуусгаж сурдаг юм байна гэж хэлжээ. Гавандэ хэлэхдээ "Хүн одоо ямар байгаа нь биш, харин ирээдүйд ямар байх вэ гэдэг нь илүү чухал" гэжээ.

Жаксон Бөрд: Трансжендер хүмүүстэй хэрхэн ярилцаж мөн тэднийг сонсох вэ?

TED Residency

Жаксон Бөрд: Трансжендер хүмүүстэй хэрхэн ярилцаж мөн тэднийг сонсох вэ?
1,537,967 views

Хүйс нь хэн нэгний талаарх хамгийн сонин биш зүйл байх ёстой авч трансжендер хүмүүсийг бид буруу ойлгосоор л байна. Асуулт асуухаас айсан, эсвэл буруу зүйл хэлэхээс санаа зовсон хүмүүст туслахын тулд Жаксон Бөрд трансжендер хүмүүсийн талаарх хэдэн зүйлсийг хуваалцаж байна. Энэхүү инээдтэй, илэн далангүй яриандаа тэрээр төлөөний нэрүүд, хүйсийн өөрчлөлт, ариун цэврийн өрөө гэх мэт хэд хэдэн буруу ойлголтыг залруулах болно.

Крис Шелдрик: Дэлхийн бүх газруудад 3 үгт хаяг

TEDGlobal 2017

Крис Шелдрик: Дэлхийн бүх газруудад 3 үгт хаяг
1,503,691 views

Крис Шелдрик болон what3words-ын хамт олон дэлхийн нийт гадаргууг 3м*3м хэмжээт квадратуудад хуваан, тус бүрд нь цэнэг.эрдэмтэй.өнгөлөх эсвэл эрхлэлт.шуудан.зааглаж гэх мэт дахин давтагдашгүй 3 үгийн нийлбэрээр тодорхой хаяггүй амьдарч буй хэдэн тэрбум хүмүүст өндөр нарийвчлалтай хаягжилтыг бий болгосон. Энэхүү богино илтгэлдээ Шелдрик эдийн засгийн болон улс төрийн хувьд хүн бүрт өндөр нарийвчлалтай хаяг бий болгох нь гамшгийн бүсэд тусламж хүргэхээс авахуулаад пиццаг халуунаар нь хүргэхэд ямар чухал болох талаар тайлбарлана.

Жон Бүүгз болон Лил Бак: Дэлхий ээжийг хүндлэх бүжиг

TED2017

Жон Бүүгз болон Лил Бак: Дэлхий ээжийг хүндлэх бүжиг
305,940 views

Хөдөлгөөний артист (movement artist) Жон Бүүгз болон Лил Бак нарын хүн төрөлхтөн болон байгаль дэлхийн хоорондох зовлонт харилцааг илэрхийлсэн хийл, бүжиг, яруу найраг хосолсон үзүүлбэрийг тольлуулж байна.

Адам Алтер: Яагаад дэлгэц биднийг аз жаргалгүй болгодог вэ?

TED2017

Адам Алтер: Яагаад дэлгэц биднийг аз жаргалгүй болгодог вэ?
3,737,315 views

Дэлгэцэт технологи бидэнд хэрхэн нөлөөлдөг вэ? Сэтгэл судлаач Адам Алтер дэлгэцийн технологийн хэрэглээ бидний амьдралаас хэр их цагийг үрэн таран хийж, үүнийг нь мэдсээр байж бид яагаад зогсож чаддаггүй болохыг судалжээ. Тэрээр бид гар утсаараа оролдон, компьютерийн дэлгэцээ ширтэн суух цаг хором бүр биднийг аз жаргалгүй болгож байдгийг хэлж байна.

Мэхди Ордикани-Сэедлар: Анхаарлаа төвлөрүүлэхэд тархинд юу болдог вэ?

TED2017

Мэхди Ордикани-Сэедлар: Анхаарлаа төвлөрүүлэхэд тархинд юу болдог вэ?
3,083,456 views

Анхаарал төвлөрөл гэдэг нь бидний анхаарч буй зүйлс төдийгүй тархины тэндээс шүүж байгаа мэдээллийг хэлдэг. Төвлөрөх үеийн тархины бүтцийг судалснаар тархины мэдрэл судлаач Мэхди Ордикани-Сэедлар компьютер болон тархийг улам ойртуулж, "анхаарлын дутмагшил, хэт хөдөлгөөнтөх" эмгэгийг эмчлэх, харилцах чадвараа алдсан хүмүүст туслахыг зорьж байна. Энэ богино боловч сонирхолтой илтгэлээс гайхалтай шинжлэх ухааны талаар сонсоорой.

Майкл Патрик Линч: Хэрхэн өөрийнхөө үзэл бодлоос цааш сэтгэж, үнэнийг олох вэ?

TED2017

Майкл Патрик Линч: Хэрхэн өөрийнхөө үзэл бодлоос цааш сэтгэж, үнэнийг олох вэ?
1,781,987 views

Илүү ихийг интернетээс уншиж, үзэх болгонд юу үнэн болон юу худлаа вэ гэдгийг ялгахад хэцүү болдог. "Яг л илүү ихийг мэдээд байгаа мөртлөө багыг ойлгоод байгаа мэт" хэмээн философич Майкл Патрик Линч хүүрнэнэ. Энэ ярианд тэр биднийг өөрсөддөө үүсгэсэн хөөсийг тэсэлж, бүх зүйлийн үндэс суурь болсон нийтлэг бодит байдалд оролцохыг дуудаж байна.

Марлон Петерсон: Би хүн биш гэж үү? Эрүүгийн эрх зүйг шинэчлэе

TED Residency

Марлон Петерсон: Би хүн биш гэж үү? Эрүүгийн эрх зүйг шинэчлэе
1,201,492 views

Хориод насандаа үйлдсэн гэмт хэрэгтээ Марлон 10 жилийн ял авч, амьдрал нь хэнд ч хэрэггүй зүйл болж өнгөрсөн. Торны ард байхдаа тэр Брүүклин дэх сурагчидтай захиагаар харилцах сургалтад хамрагдаж, амьдралаа өөрчлөх боломжтой болсон. Энэхүү зоригтой яриандаа Марлон яагаад бид нийгэм гадуурхаж, үл тоодог хүмүүст анхаарал хандуулж, хөрөнгө оруулах хэрэгтэй вэ гэдгийг сануулна.

"ОК Go" хамтлаг: Гайхалтай санаа хэрхэн олох вэ?

TED2017

"ОК Go" хамтлаг: Гайхалтай санаа хэрхэн олох вэ?
2,265,538 views

"OK Gо" хамтлагт таталцалгүй орчинд бүжиглэх, маш удаан хэмнэлээр тоглох эсвэл өөрсдийн бичлэгт зориулан агуулахын хэмжээтэй Руб Голдбергийн машин барих гэх мэт санаанууд яаж төрдөг юм бол? "Энэ ч бас улиран одно" мөн "Нэг хором" үзүүлбэрүүдийн хооронд хамтлагийн ахлагч, дуучин Демайн Кулаш хамтлагийн бүтээлч үйл явцаа танилцуулж гайхамшиг, гэнэтийн бэлгийг хэрхэн бодож олдогыг бидэнд харуулах болно.

Софи Таккер: "Авүү"

TEDNYC

Софи Таккер: "Авүү"
1,670,035 views

Электро-поп хөгжмийн хослол дуучид Софи Таккер, Бэтта Леммитэй хамтран хөгжилтэй "Авүү" дууныхаа хэмнэлд TED-ийн оролцогчидтой хамт бүжиглэлээ.

Шах Рук Хан: Хүн төрөлхтөн, нэр төр, хайрын тухай эргэцүүлэл

TED2017

Шах Рук Хан: Хүн төрөлхтөн, нэр төр, хайрын тухай эргэцүүлэл
9,440,856 views

Болливудын хамгийн алдартай од Шах Рук Хан хэлэхдээ: "Би хүмүүст мөрөөдөл зарж, сая сая хүнд хайр бэлэглэдэг" гэжээ. Тэрээр энэ сэтгэл татам, хөгжилтэй яриандаа амьдралынхаа нугачааг өгүүлж, алдартай бүжгийнхээ зарим хөдөлгөөнүүдийг үзүүлэн, анхаарлын төвд ихэнх цагийг өнгөрөөхдөө олж авсан амьдралын ухаанаасаа хуваалцаж байна.

Карим Абоуэлнага: Хүүхдүүд үнэхээр явахыг хүсдэг зуны сургалт

TED2017

Карим Абоуэлнага: Хүүхдүүд үнэхээр явахыг хүсдэг зуны сургалт
1,211,003 views

Америкт бага орлоготой гэр бүлийн хүүхдүүд зуны хугацаанд хичээлийн жилд сурдаг зүйлийнхээ 3 сарын мэдлэгийг мартдаг. Боловсролын энтрепренёр, TED Фэллов Карим Абоуэлнага хүүхдүүдийн сурах алдагдалыг эргүүлэн, "зуны сүйрлийг" боломж болгон урагшаа хөдөлж, илүү гэгээтэй ирээдүй рүү хөгжихийг хүсэж байна.

Бид хүн бүрт ээлтэй ирээдүйг бүтээх хэрэгтэй

TED2017

Бид хүн бүрт ээлтэй ирээдүйг бүтээх хэрэгтэй
3,419,176 views

Итгэл найдвар түгээхэд ганц хүн ч хангалттай бөгөөд тэр хүн та байх боломжтой гэдгийг Пап Ламтан Францис Ватиканд бичсэн энэхүү TED Илтгэлээр сануулж байна. Шашин шүтлэгээс үл хамааран Пап ламтан хүн бүрт хандан илvv эрх тэгш, нэг нь нийтийнхээ телее, өгөөмөр ертөнц цогцлоохыг зөвлөж байна. "Бид бүгд биендээ тусалж, биднээс "бусад" хүмүүс тоо статистик биш гэдгийг санаж явах хэрэгтэй."

Майкл Биерүт: Хүүхдүүдэд ном унших хүсэл төрүүлэм номын санг хэрхэн барих вэ?

TEDNYC

Майкл Биерүт: Хүүхдүүдэд ном унших хүсэл төрүүлэм номын санг хэрхэн барих вэ?
1,850,983 views

Майкл Биерүт нийтийн сургуулийн номын сангуудын логог бүтээх үүрэг авахдаа олон жил үргэжлэх, маш их сэтгэл шаардсан төсөл эхлүүлж байгаагаа мэдсэнгүй. Энэхүү хөгжилтэй яриандаа тэрээр номын санчид анхлан уншигчид болон сэтгэгчдэд урам өгөх ид шидийн мэт газарт энерги, ухаарал, урлаг, график нэмж оруулах гэсэн эрэл хайлтынхаа тухай ярьлаа.

Куртис "Уолл Стрит" Карролл: Шоронд би хэрхэн уншиж болон хувьцаа арилжиж сурсан бэ?

TEDxSanQuentin

Куртис "Уолл Стрит" Карролл: Шоронд би хэрхэн уншиж болон хувьцаа арилжиж сурсан бэ?
5,811,223 views

Санхүүгийн мэдлэг бол чадвар биш -- энэ бол амьдралын хэв маяг. Үүнийг Куртис "Уолл Стрит" Карроллоос суралцаарай. Шоронд хоригдож үзсэн Карролл мөнгөний үнэ цэнийг сайн мэддэг. Хоригдох хугацаандаа бичиг үсэг бие даан суралцаж, өөрөө хувьцаа арилжих талаар сурсан тэрээр "Бид мөнгөтэй ухаалаг харьцах хэрэгтэй" хэмээх энгийн боловч хүчирхэг ойлголтоо хуваалцаж байна.

Стефани Бусари: Хуурамч мэдээлэл хэрхэн бодит хохирол учруулдаг вэ?

TEDLagos Ideas Search

Стефани Бусари: Хуурамч мэдээлэл хэрхэн бодит хохирол учруулдаг вэ?
1,358,172 views

2014 оны 4 сарын 14-нд Боко Харам алан хядагчдын бүлэглэл Нигерийн Чибок тосгоноос 200 гаруй охидыг хулгайлсан. Дэлхий даяар уг гэмт хэрэгтэй #BringBackOurGirls уриалгаар тэмцсэн боловч Нигери улсад засгийн газрын гишүүд гэмт хэргийг хуурмаг гэж зарлан, охидыг олох үйл явцад саад учруулсан. Сэтгүүлч Стефани Бусари илтгэлдээ хуурмаг мэдээний хор уршиг болон бидний юу хийж болох талаар Чибок тосгоны үйл явдлаас жишээ болгож ярьсан байна.

Чимаманда Нгози Адичэ: Бид бүгд феминист байх хэрэгтэй

TEDxEuston

Чимаманда Нгози Адичэ: Бид бүгд феминист байх хэрэгтэй
4,033,919 views

Зохиолч Чимаманда Нгози Адичэ хэлэхдээ "Бид охидод хэт их хүсэл зорилготой байж болохгүй, хэт өндөр амжилтад хүрч болохгүй, эс бөгөөс энэ нь эрчүүдэд халтай гэж сургадаг". Дэлхий даяар феминизмийн тухай яриаг эхлүүлсэн энэхүү илтгэлдээ Адичэ хүмүүс нь аз жаргалтай, бас өөртөө үнэнч тийм л шударга дэлхийн тухай бид мөрөөдөж, одооноос төлөвлөх хэрэгтэй гэж уриаллаа.

Аштон Кофер: Залуу зохион бүтээгчийн хөөсөнцөр дахин боловсруулах санаа

TED-Ed Weekend

Аштон Кофер: Залуу зохион бүтээгчийн хөөсөнцөр дахин боловсруулах санаа
1,379,778 views

Савалгааны хөөсөнцрөөс эхлээд нэг удаагийн кофены аяга гээд АНУ гэхэд л нэг жилд хоёр тэрбум фунт хөөсөнцөр хэрэглэдэг. Гэтэл эдгээрийн нэгээхэн нь ч дахин боловсруулалтад ордоггүй. Хэрэглэгдэхгүй хогны хэмжээнд санаа зовсон Аштон Кофер болон түүний баг хэрэглэгдсэн хөөсөнцрийг буталж илүү хэрэгцээтэй нэгэн зүйлд хувирган шатаах аргыг бодож олжээ. Ийнхүү Анхны Лего Лиг Глобал Инновэшн Шагнал болон Гүүглийн Шинжлэх Ухааны үзэсгэлэнгээс Шинжлэх ухаанч Америк зохион бүтээгч шагналыг хүртсэн санаатай танилцана уу.

Мишeл Л. Салливан: Тусламж хүсэх нь сул дорой биш, хүчтэй зан чанарын илрэл

TEDWomen 2016

Мишeл Л. Салливан: Тусламж хүсэх нь сул дорой биш, хүчтэй зан чанарын илрэл
1,604,468 views

Бид бүгдэд тулгардаг саад бэрхшээлийг ойлгох нэг нь байхад ихэнх хүмүүс огт анзаардаггүй, ойлгодоггүй болохыг Мишeл Л. Сaлливан хэлж байна. Харах өнцгийн тухай энэхүү илтгэлдээ Салливан бид бүгд бие биедээ тусалж дэмжиж байж оршин тогтнодог тогтолцооны нэгэн хэсэг болохыг сануулсан хөгжилтэй бөгөөд сургамжтай түүхээсээ хуваалцах болно. Тэрээр "Чамайг өөрөөс чинь илүү ойлгох хүн байхгүй", "энэрэл нигүүлсэл, эр зориг, ойлголт ухаарал байгаа цагт бид хамтдаа мөр зэрэгцэн алхаж чадна" гэдгийг хэлж байна.

Каролин Поул: Зоригтой охидыг адал явдлаар хүмүүжүүл

TEDWomen 2016

Каролин Поул: Зоригтой охидыг адал явдлаар хүмүүжүүл
1,958,625 views

Зоригтой охид тэшүүрээр гулгаж, модонд авирч, унаж, өвдгөө шалбалж, буцаж босч ирдэг. Ингэснээр тэд зоригтой эмэгтэй болж өсдөг. Хэрхэн бүтээмжтэйгээр бага зэргийн эрсдлийг туулж, өөртөө итгэлтэй охид өсгөх талаар яриа, зөвлөмжийг гал сөнөөгч, параплан нисгэгч, адал явдал хайгч Каролин Поулаас суралцаарай.

Сара Рамирез: Галзуу хулгана

TED Talks Live

Сара Рамирез: Галзуу хулгана
1,132,926 views

Дуучин, ая зохиогч, жүжигчин Сара Рамирез нь олон талын авьяастай. Рамирез болон гитарчин Майкл Пэмбертон нар амьдралд тохиолддог боломж, эрдэм мэдлэг, сайн сайхан, бэрхшээл хүндрэлүүдийн талаар "Галзуу хулгана" дуундаа өгүүлж байна.

Стэси Смит: Холливудын хүйсээр ялгаварлан гадуурхалтын цаадах статистик

TEDWomen 2016

Стэси Смит: Холливудын хүйсээр ялгаварлан гадуурхалтын цаадах статистик
1,160,204 views

Охид эмэгтэйчүүд кинонд гарч байна уу? Нийгэм судлаач Стэси Смит хэвлэл, медиа салбар эмэгтэйчүүдийн дүр төрхийг хэрхэн харуулж, энэ нь нийгэмд ямар сөрөг үр дагавар дагуулж болохыг судалдаг. Дэлгэцээр эрэгтэйчүүд эмэгтэйчүүдээс 3 дахин их гардаг зэрэг Холливуд дахь хүйсээр ялгаварлалтын талаар ноцтой статистикийг хуваалцжээ.

Майкл Боттисели: Донтолтыг бид өвчин гэж үзэн, адилаар эмчлэх хэрэгтэй

TEDxMidAtlantic

Майкл Боттисели: Донтолтыг бид өвчин гэж үзэн, адилаар эмчлэх хэрэгтэй
1,620,936 views

АНУ-ын есөн хүн тутмын ердөө нэг нь л донтолт, мансууруулах бодисны хэрэглээний өвчлөлийн өөрт тохирсон эмчилгээг авдаг байна. Үндэсний мансууруулах бодисны хяналт бодлогын дарга байсан Майкл Боттисели энэхүү өвчлөлийг зогсоох, өвчтөнүүдийг халамж, энэрэлээр эмчлэхэд чиглэн ажиллаж байна. Өөрийн амьдралын сургамжит яриагаар тэрээр эмчилгээнд байгаа сая сая Америкчуудыг дуу хоолойгоо өргөж, мансууруулах бодис хэрэглээний хорлолт өвчлөлтэй тэмцэхийг дэмжин уриалж байна.

Дэпика Куруп: Залуу эрдэмтний цэвэр усны төлөөх эрэл

TEDWomen 2016

Дэпика Куруп: Залуу эрдэмтний цэвэр усны төлөөх эрэл
1,176,301 views

Дэпика Куруп 14 настайдаа эмээ өвөөгийнх нь гэрийн ард хүрэхээс ч бохир ус хүүхдүүд ууж байхыг харснаасаа хойш дэлхийн усны асуудлыг шийдэхээр сэтгэл шулууджээ. Түүний судалгаа нь гэрийнх нь гал тогоонд эхэлж -- улмаар шинжлэх ухааны том шагналд хүрсэн юм. Энэхүү өсвөр насны охин хэрхэн зардал багатай, байгальд ээлтэй ус цэвэршүүлэх арга олсныг сонсоорой.

Жинни Гайнг: Байгаль, хотыг нэгтгэж буй барилгууд

TEDWomen 2016

Жинни Гайнг: Байгаль, хотыг нэгтгэж буй барилгууд
1,605,835 views

Сэвшээ салхи мэт өндөр барилга... Ил галыг тойрч суусан омгийнхонтой адилаар баригдсан барилгууд... Жинни Гайнг хүмүүс хоорондын харилцааг архитектурын шийдлээр дамжуулан хэлбэржүүлдэг. Өөрийнхөө сайхан бүтээлүүдийн цуглуулгаар дамжуулан Гайнг биднийг гайхалтай төлөвлөлттэй нэгэн нийгэмлэгийн төвөөс Чикаго хотын нэрийн хуудас болсон тэнгэр баганадсан барилга хүртэлх том, жижиг барилгуудаараа биднийг аялахыг урьж байна. Тэрээр "Бид архитектурын шийдлээр дамжуулж барилга барихаас илүү их зүйлийг бүтээж чадна" гэж хэлжээ. "Өөрсдийн амьдарч буй энэ гарагтаа тэнцвэрээ хадгалж үлдэхэд нь бид тусалж чадна."

Сэм Касс: Хүүхдүүдийг сайн сургахыг хүсвэл тэднийг сайн хоолло

TED Talks Live

Сэм Касс: Хүүхдүүдийг сайн сургахыг хүсвэл тэднийг сайн хоолло
1,687,691 views

Бидний хүүхдүүд өлссөн үедээ эсвэл ямар ч шим тэжээлгүй, чихрээр дүүрэн хоол идэж байхад бид тэднийг юу сурна гэж хүлээх вэ? Цагаан Ордны Ахлах тогоочоор ажиллаж байсан Хоолны бодлого боловсруулагч Сэм Касс нь хүүхдүүдийн оюун ухааныг төдийгүй бие бялдрыг тэжээн хөгжүүлэхэд сургуулийн зүгээс оруулж чадах нөлөөллийн талаар ярьж байна.