TEDxPSU
Водејќи ги Американците од публика на TEDxPSU чекор по чекор низ мисловниот процес, социологот Сем Ричардс поставува невообичаен предизивик: можат ли да ги разберат - не да ги одобрат - туку да ги разберат мотивите на еден ирачки бунтовник? И оттаму, може ли вистински да ги разбереме другите и да чувствуваме емпатија кон нив?
TED2011
Користејќи вики и дигитални алатки за производство, ТЕД пријателот Марчин Јакубовски објави слободни нацрти за 50 фармерски машини, со што им дозволи на сите од нула да изградат сопствен трактор или комбајн. И тоа е првиот чекор во поектот да се напише упатство за цело само-оддржливо село (почетни трошоци: 10.000 долари).
TED2011
Кога филмскиот критичар Роџер Еберт ја изгуби долната вилица поради рак, тој ја изгуби можноста да јаде и зборува. Но тој не го изгуби својот глас. Во емотивен говор од ТЕД2011, Еберт и неговата жена Чез, со пријателите Дин Орниш и Џон Хантер, дојдоа заедно да ја кажат неговата забележителна приказна.
TED2011
Во трогателно и неверојатно вирално видео минатата година, композиторот Ерик Витакер предводеше виртуелен хор на пејачи од целиот свет. Тој зборува за креативните предизвици при создавањето музика со помош на Youtube, и ги открива првите две минути од неговото дело „Sleep“, со видео-хор од 2.052 пејачи. Целосното дело ќе биде премиерно прикажано на 7. април (да, на Youtube).
TEDxDubai
На TEDxDubai, долгогодишната професорка по англиски јазик Патриција Рајан изнесува едно провокативно прашање: Дали светот кој е фокусиран на англискиот јазик, го спречува ширењето на идеите на други јазици? (На пример: што доколку Ајнштајн требало да го положи испитот TOEFL?) Станува збор за одбрана од преведувањето и ширењето идеи.
TEDWomen 2010
Кој бил најголемиот изум на индустриската револуција? Ханс Рослинг гласа за машината за перење алишта. Со нови графици од Gapminder, Рослинг ни ја покажува магијата што се случува кога економскиот раст и електричната енергија го претвораат досадниот ден за перење во инетелектуален ден за читање.
TED2011
„Ако некогаш имам ќерка, наместо ’мама’, ќе ме нарекува ’Точка Б’“... започнува поетесата на кажаниот збор, Сара Кеј, во говорот кој поттикна две овации на ТED2011. Taa ja раскажува приказната за нејзината метаморфоза - од тинејџерка со широко отворени очи која се потопува во строфите во Bowery Poetry Club во Њујорк, до учителка која ги поврзува децата со моќта на себе-изразувањето преку проектот V.O.I.C.E. - при што изведува две прекрасни изведби на „Б“ и „Хирошима“.
TEDWomen 2010
Велат, кога ќе почине стар човек, е исто како да изгорела една библиотека. Антропологот Елизабет Линдзи, соработник на Нешенел Џеографик, е собирач на длабоко културно богатство кое се пренесува како приказни и традиција.
TEDxRainier
На TEDxRainier, Патриша Кул споделува зачудувачки пронајдоци за тоа како бебињата учат еден јазик наспроти друг - преку слушање на луѓето околу нив и собирајќи податоци за звуците кои треба да ги знаат. Интелигентни лабораториски експерименти (и мозочни скенирања) покажуваат како шестмесечни бебиња користат софистицирани размислувања за да го разберат својот свет.
TEDSalon London 2010
Како можат архитектите да изградат нов свет на одржливост и убавина? Учејки од природата. Во TEDSalon во Лондон, Мајкл Паулин зборува за трите навики на природата кои би можеле да ги трансформираат арјитектурата и општеството: радикална ефикасност на средствата, затворени циклуси и искористување на сончевата енергија.
TEDxSydney
Балансот помеѓу работата и приватниот живот, вели Најџел Марш, е многу значаен за да се остави во рацете на вашиот работодавач. На TEDxSydney, Марш претставува идеален ден каде е избалансирано времето за семејството, времето за себе и продуктивноста - и ве охрабрува тоа да го примените.
TEDWomen 2010
Медиумските и рекламните компании сеуште ги користат истите стари демографски анализи за да ја разберат нивната публика, но таа станува се потешко да се прати кога се онлајн, вели истражувачката на медиумите Џоана Блејкли. Како што социјалните медуми ги надраснуваат традиционалните медиуми, и жените корисници се мнозинство спрема мажите, Блејкли објаснува што кои промени ја очекуваат иднината на медиумите.
TEDWomen 2010
Карикатуристот од Њујорк Лиза Донели споделува портфолио од нејзините мудри и смешни карикатури за модерниот живот - и зборува како хуморот може да им даде моќ на жените да ги сменат правилата.
TEDWomen 2010
Во воздухот лебди една гневна и поделена напнатост која се заканува да ја попречи современата политика. Елизабет Лесер ги разгледува двете страни на човечката природа кои ја создаваат оваа тензија -ги нарекува „мистик“и „воин“. Таа споделува еден личен и едноставен начин како да се започне со дијалог-да се оди на ручек со некој кој не се согласува со вас и да им се постават три прашања за да се открие што всушност има во нивните срца.
TEDxToronto 2010
Блогот на Нила Пасрича, "1000 Awesome things", ги слави едноставните животни задоволства, од бесплатното кафе до чистата постелнина. Во овој искрен говор одржан за време на конференцијата TEDxToronto, тој открива 3 тајни (сите започнуваат на буквата „С“) кои ќе доведат кон навистина чудесно живеење.
TEDWomen 2010
Работејки со тим физичари, Др. Дебора Родс разви нова алатка за пронаоѓање на тумори која е три пати поефикасна од традиционалниот мамограм за жени со густо ткиво на дојките. Импликациите за спас на животи се зашеметувачки. Па, зошто не сме чуле за нејзе? Родс ја споделува приказната зад создавањето на алатката и мрежата на политика и економија која ја спречува да се користи пошироко.
TEDWomen 2010
Во овој краток говор, Аријана Хафингтон споделува една мала идеја која може да ги разбуди оние поголемите: моќта на доброто спиење. Наместо да се фалиме со недостатокот од сон, таа не убедува да ги затвориме очите и да ја видиме големата слика: Ние можеме да го преспиеме нашиот пат до зголемена продуктивност и среќа -- и попаметно донесување на одлуки.
TEDxHouston
Брене Браун ја изучува човечката поврзаност -- нашата способност за емпатија, припадност, љубов. На еден прониклив, забавен говор на TEDxHouston, таа споделува еден длабок увид од нејзиното истражување, она кое ја однело на личен поход за сопствено запознавање како и разбирање на човештвото. Говор кој вреди да биде слушнат.
TEDWomen 2010
Шерил Сандберг, главен оперативен директор на Фејсбук, се осврнува на причините поради кои процентот на жени на врвни позиции е многу помал во однос на мажите и дава три силни совети за жените кои се стремат кон врвни раководни места.
TEDxSydney
На TEDx Сиднеј, Рејчел Ботсман вели дека ние сме „создадени за да споделуваме“ - и покажува како вебстраните од типот на Zipcar и Swaptree ги менуваат правилата на човековото однесување.
TEDWomen 2010
Основачите на babble.com Руфус Гриском и Алиса Волкмен, ни излoжуваат 4 факти што родителите никогаш не ги признаваат - и зошто би требале да го направат тоа. Искрен говор, интересен и за оние кои самите не се родители.
TEDxMidAtlantic
Дајана Лофенберг споделува три необични работи кои ги научила предавајќи - вклучувајќи го и клучниот увид за учењето од грешките.
TED2010
Во соработка со аниматорот Ендрју Парк, ТЕД ви ја илустрира провокативната теорија за убавината на Денис Датон - дека уметноста, музиката и останатите убави нешта, и покрај тоа што се чинат едноставни „во очите на набљудувачот“, се суштествен дел од човечката природа со длабоки еволутивни корени.
TEDGlobal 2010
Низ серија духовити поенти, Патрик Шапат дава добар пример на моќта на скромните карикатури. Неговите проекти во Либан, Западна Африка и Газа покажуваат дека, кога е во вистински раце, моливот може да предизвика сериозни проблеми и да спои луѓе кои инаку не би се споиле.
TEDGlobal 2010
Растенијата се однесуваат на еден необично интелигентен начин: се борат со предатори, ги зголемуваат до максимум можностите за исхрана... Но дали би можеле за нив да мислиме дека всушност имаат еден вид на интелигенција својствена за нив? Италијанскиот ботаничар Стефано Манкузо презентира интересен податок.
TED2010
Стејси Крамер нуди трогателно, лично, триминутно видување што покажува како несаканите искуства - страшни, трауматични, штетни - можат да се претворат во бесценет подарок.
TEDGlobal 2010
Како што светот се соочува со рецесија, климатски промени, нееднаквост и т.н., Тим Џексон им поставува остар предизвик на постојните економски принципи, објаснувајки како би можеле да престанеме да ја потхрануваме кризата и да започнеме да инвестираме во нашата иднина.
TEDxBerlin
На TEDxBerlin Фабиан Хемерт прикажува една можна иднина на мобилните телефони -- променлива форма и променлива тежина на уредот кој "прикажува" информации без да мора да се гледа во него, нудејќи пријатно интуитивен начин на комуникација.
TEDGlobal 2010
Авторката на „Свиња 05049“ Кристиен Меиндертсма го разгледува чудесниот животен пат на обичната свиња чии телесни делови завршуваат во најмалку 185 не свински производи, од куршуми до вештачки срца.
TEDGlobal 2010
Прво нешто, кога ќе дојдеме на идеја за нов извонреден животен план, е да го раскажеме тој план некому. Но, Дерек Сиверс вели дека е подобро да ги чувате своите цели во тајност. Тој презентира истражувања кои датираат и од 1920тите да покаже како луѓето кои зборуваат за своите амбиции имаат помали шанси да ги постигнат.
